@पिटी अनलाइन खबर/नुवाकोट 

नेपाली कांग्रेस नुवाकोट जिल्ला सभापति जगदीश्वरनरसिंह केसीले सत्ता पक्ष अर्थात नेपाल सरकारलाई सीमामा अलपत्र परेका नेपालीहरुको उद्धार गर्न ढिलाइ गरेको भन्दै सिमामा अलपत्र नागरिक आफ्नै देशमा किन बिरानो भो भनि  नेपाल सरकारलाई प्रश्न  गरेका छन् ।

केसीले आफ्नो फेसबुक वालमा स्टाटस लेख्दै भनेका छन उद्धार गर्ने आसमा बसेको दैनिक ज्यालादारी गर्ने मजदुरहरू एउटा कथाको पात्रमा जस्तै नेपाल सरकारले उद्धार गर्ने आश्वासन दिएर भोगभोकै बस्न बाध्य बनाएको कुरा लेखेका छन् ।आफ्नो देशको नागरिकले आफ्नो देशमा स्वतन्त्र पुर्बक आउन पाउने अधिकार भए पनि नेपाल सरकारले सत्रु देशका नागरिक लाई जस्तो ब्यबहार गरेको आरोप लगाएका छन् ।

दैनिक ज्यालादारी गर्ने मजदुरहरू ‘भोक लाग्यो’ भन्दैछन् तर नेपाल सरकारले बैठक बसेर निर्णय पारित गरेर रहात बाडौला भन्दै आश्वासन देखाउदा  नेपाल भारत सीमामा रहेको मजदुरहरुले धेरै दिन देखि भोग भोकै दिनरात कटाउनु परेको भन्दै प्रत्येक नागरिकले आफ्नो देशमा छिर्न पाउने र पेटभरि खान पाउने अवस्था सिर्जना गर्न नेपाल सरकारलाई अनुरोध गरेका छन् |

जगदिश्वरनरसिंह केसीको फेसबुक वालमा भएको स्टाटस जस्ताको तस्तै

सानोमा आमाले एउटा कथा सुनाउनुभएको थियो । कथा थियो :-
भाइ : दिदी, भोक लाग्यो ।
दिदी : पख भाइ, खोरिया खनूँ अनि ।
भाइ : दिदी, भोक लाग्यो ।
दिदी : पख भाइ, वीउ राखूँ अनि ।
(यसैगरी भाइ ‘भोक लाग्यो’ भन्दै र दिदी ‘पख्, कोदो रोपूँ …. कोदो गोडूँ… टिपूँ…..कुटूँ …पिँधूँ…. रोटी पकाऊँ ….भन्दै गइन् । सोचेँ ‘खोरिया खन्नेदेखि रोटी पकाउनेसम्मको चक्र पूरा हुन ६ महिना लाग्यो होला ।’ मैले आमासँग भनेँ “यो झूट हो, त्यतिन्जेलसम्म मान्छेले भोकै कहाँ पर्खन सक्छ ?” आमाको जवाफ थियो “नसकेर के गर्छन् त ? कथा काल्पनिक हो तर घटनाहरू वास्तविक रूपमा देखा पर्नेछन् । सम्भवतः तैँले आफ्नै जीवनमा पनि यस्तो घटना देख्ने, भोग्ने छस् ।”
…………..
आज त्यही दृश्य देखिँदैछ । नेपालीहरू सिमानामा उभिएर ‘मेरो देश छिर्न पाऊँ’ भन्दै भोक र प्यासले छटपटाउँदै रोइकराइ गर्दैछन् । सरकार उनीहरूसँग शत्रु देशका नागरिकलाई जस्तो व्यवहार गर्दैछ । दैनिक ज्यालादारी गर्ने मजदुरहरू ‘भोक लाग्यो’ भन्दैछन् । सरकार ‘पहिले बैठक बसूँ, अनि तल आदेश दिऊँ, तल फेरि बैठक बस्छन्, लगत उतार्छन्, अनि राहत जुटाउँछन्, त्यसपछि त बाँडिहाल्छन् । अनि खाउला’ भन्दैछ । अर्वौँको आर्थिक घोटाला गर्न पाउने ठाउँमा ३ घन्टामै प्रक्रिया भ्याउने सरकार भोका नागरिकलाई एक किलो खस्रो चामल दिन ३ हप्ते प्रकृया देखाउँछ । भोको पेटले तिम्रो प्रकृया बुझ्दैन सरकार ! प्रत्येक नागरिकले आफ्नो देशमा छिर्न पाउने र पेटभरि खान पाउने अवस्था सिर्जना गर ।
जय नेपाल !