दुबई – युएईमा कार्यरत काभ्रेली समुदायले नेपाली नयाँ वर्ष २०८२ को अवसरमा सांगीतिक कार्यक्रम आयोजना गर्ने भएका छन्।

काभ्रे सेवा समाज युएईको आयोजनामा ‘नयाँ वर्ष धमाका’ नामक विशेष सांगीतिक कार्यक्रम आगामी अप्रिल १३ तारिखका दिन कन्कोड भिउ होटलमा सम्पन्न हुने जानकारी समाजका संरक्षण तथा प्रमुख सल्लाहकार डी.बी. लुङ्गेली मगरले दिएका छन्।

कार्यक्रममा नेपालबाट आउने चर्चित गायक विश्व दोङका साथै युएईमै रहेका स्थानीय कलाकारहरू आकर्षक सांगीतिक प्रस्तुति रहनेछ। आयोजकका अनुसार कार्यक्रम शुभकामना आदान-प्रदानसँगै प्रवासमा रहेका काभ्रेली समुदायलाई एकताबद्ध गर्ने र समाज सेवामा अभिप्रेरित गर्ने उद्देश्यलका साथ आयोजना गरिएको बताएको छ।

सन् २०१४ देखि स्थापित काभ्रे सेवा समाज युएईले विभिन्न सामाजिक गतिविधिहरू गर्दै आएको छ। विदेश तथा स्वदेशमा समस्यामा परेका विभिन्न रोगीहरूलाई आर्थिक तथा भौतिक सहयोग पुर्‍याउँदै आएको समाजले अन्य संघसंस्था तथा व्यक्तिहरूलाई समेत निरन्तर सहयोग गर्दै आइरहेको छ।

युएईमा रहेका सम्पूर्ण नेपालीहरूलाई कार्यक्रममा सहभागी भई सभ्य भव्य र सफल बनाउन समाजका संरक्षण तथा प्रमुख सल्लाहकार लुङ्गेली मगर लगायत आयोजक टोलीले आग्रह गरेका छन्।