नुवाकोट ।
नेपाली हिन्दु धर्मालम्बीहरुको महान चाड विजया दशमी, शुभ दिपावली र छठ पर्व तथा नेपाल सम्वत् ११४४ को पावन अवसरमा आयोजित प्रथम प्रदेश सम्मेलन शुभकामना आदानप्रदान एवं चियापान तथा सांस्कृतिक कार्यक्रम भोली कार्तिक १ गते  हुने अन्तीम तयारी भईरहेको आयोजकले बताए।

उक्त कार्यक्रममा नेपाली कांग्रेस केन्द्रिय सदस्य एवं बागमती प्रदेशका आर्थिक मामिला तथा योजना मन्त्री माननीय बहादुर सिंह लामा तामाङको प्रमुख आतिथ्यमा तथा बागमती प्रदेश सभा सदस्य एवं नुवाकोट नेपाली कांग्रेस जिल्ला सभापती रमेश कुमार महतको विशेष आतिथ्यमा पार्टीका अन्य विशिष्ट नेता कार्यकर्ता अन्य व्यक्तिहरुको बृहत् उपस्थितिमा नेपाली कांग्रेस प्रदेश सभा कार्य समिति नुवाकोट २ (ख) को प्रथम प्रदेश सम्मेलन को अन्त्तिम तयारी भईरहेको कार्यक्रम संयोजक तथा नेपाली कांग्रेस प्रदेश सभा कार्यसमिति नुवाकोट २ ख को सभापती गणेशमान तामाङले जानकारी दिए।

सभापती तामाङले प्रथम सम्मेलन भव्य रुपमा सफलता पार्न आयोजक टिम अनवरत लागिरहेको र कार्यक्रममा पार्टीका सबै तह-तप्काका माननीयहरु, नेता कार्यकर्ता, तथा काङ्ग्रेस प्रेमी समर्थकहरु, बुद्दिजीवीहरु, मिडियाकर्मी लगायत सम्पूर्णमा बृहत् सहभागी भई कार्यक्रम सफलता बनाउन हार्दिक निमन्त्रणा समेत गरेका छन् ।

प्रदेश सभा कार्यसमिति नुवाकोट २ को “ख” अन्तर्गत किस्पाङ गापा, म्यागङ गापा, तार्केश्वर गापा र बिदुर नपा को ५ नम्बर वडा समेत पर्दछ।

कार्यक्रम बारे थप जानकारी
कार्यक्रम हुने मिति : २०८० कार्तिक १ गते
समय : बिहान ११ बजे
स्थान : जिल्ला समन्वय समिति हल, विदुर