एनआरएनए मध्यपुर्व संयोजकमा पुनः अर्याल उम्मेदवारी
- नेत्र न्यौपाने
- ५ आश्विन, २०८० ०२:३९
- 93 Views
दम्माम,साउदी।
गैरआवासीय नेपाली संघ(एनआरएनए)को आगामी कार्यकाल सन् २०२३ देखि २०२५ का लागि मध्यपूर्व संयोजकको पदमा ६ बुदे घोषणा पत्र जारी गर्दै पुनः राजेन्द्र अर्याल जोनले उम्मेद्वारी घोषणा गरेका छन् ।
सक्रिय एनआरएनएकर्मीको छवि बनाएको अर्यालले २०२१ देखि २०२३ सम्म मध्यपूर्व संयोजकका रुपमा सशक्त ढंगले गैर आवासीय नेपालीको हकहितका लागि काम गर्दै आइरहेको छन्।
मिलनसार, सहयोगी, इमान्दार र लगनशील प्रवृत्तिका अर्यालले निरन्तर पूर्ण समर्पण र तल्लीनताका साथ नेपाल र नेपालीको हकहितका लागि कार्य गर्दै आएका छन् ।
एनआरएनएले दिएको जिम्मेवारी इमानदारीका साथ पुरा गर्दै आउनुभएका अर्याल गैरआवासीय नेपालीबीच एक सक्रिय, जुझारु, कर्मठ र करुणावान् अभियन्ताका रुपमा सुपरिचित रहेका छन्।
गैरआवासीय नेपाली संघका सम्पूर्ण पदाधिकारी, पञ्जीकृत सदस्यबाट विगतमा प्राप्त सहयोगका लागि कृतज्ञता ज्ञापन गर्दै अर्यालले आफ्नो नेतृत्वमा मध्यपूर्व क्षेत्रमा थालनी गरेको र केही नयाँ शुरुआत गर्नुपर्ने कार्यलाई निरन्तरता दिनु पर्ने आवश्यकता महसुस गरी उक्त उम्मेद्वारी दिने निर्णय गरेको बताए ।
घोषणा पत्र :
१) राहत तथा उद्धार कार्यमा सदैव तत्पर रहँदै स्वदेश फर्कने नेपालीहरूलाई पुनःस्थापनको लागि नेपाल सरकार र सरोकारवाला संग समन्वय गर्नेछु ।
२) बैदेशिक रोजगार ऐन २०६४ लाई पुर्ण रुपमा कर्यान्वयन गर्न / गराउन सरोकारवालाहरु संग पहल गर्नेछु ।
३) सामाजिक सुरक्षा कोषमा आबद्ध हुनलाई सम्पुर्ण आप्रवासी नेपालीहरुलाई सहजीकरण गर्नेछु ।
४) अन्य सामाजिक संघ / संस्था संग मिलेर सहकार्य गर्नेछु ।
५) अन्तर्राष्ट्रिय समन्वय परिषद र मध्यपूर्वका एन सि सि हरुसंग सहकार्य गरेर कार्य योजना बनाई कार्यदिशा तय गर्नेछु ।
६) मध्यपूर्वबाट पर्यटकहरुलाई नेपाल भ्रमण गर्न अभिप्रेरित गर्न पर्यटन प्रबर्द्धनका कार्यक्रमहरुको आयोजना गर्नेछु ।