रियाद।
झापाली सेवा समाज साउदी अरेबियाको अध्यक्षमा गायक रविन गिरी निर्बिरोध निर्वाचित भएको छ।

शुक्रबार रियाद शहरमा आयोजित मंचको दोस्रो महाधिवेशनबाट गिरीलाई अध्यक्षमा निर्वाचित गरेको हो

साउदीको प्रतिष्ठित अल्माराई कम्पनीमा क्वालिटी कन्ट्रोल सहायक म्यानेजरमा बिगत १० बर्ष देखि कार्यरत गिरी गायक पनि रहेका छन् । उनको केही एल्बमहरु बजारमा आईसकेको छ भने केहि रेकर्डिङको क्रममा रहेको छ।

विद्यार्थी जीवन देखि सामाजिक अभियानमा आवद्ध गिरी वैदेशिक रोजगारीको सिलसिलामा साउदीमा कार्यरत रहेर पनि श्रमिक राहत तथा उद्वारमा सकृय रहदै आईरहेको छन्। रियाद सिजनमा नेपाली समुदायको संयोजक भएर सफल कार्यक्रम गरिसकेका गिरी एक कुशल ब्यबस्थापक पनि हुन्।

लोकप्रिय गायक प्रमोद खरेल लगायत स्थानीय कलाकारहरुले उत्कृष्ट प्रस्तुति साथ महाधिवेशन सम्पन्न भएको छ।