नुवाकोट।

तारकेश्वर गाउँ पालिका वडा नं -१ पौडेल डाँडा निवासी केशव दमाईको छोरा २६ वर्षीय दिनेश दमाई रुखबाट खसेर गम्भीर घाईते दिनेशले आर्थिक सहयोगको अपिल गरेका छन् ।   गाँउ घरमा ज्याला मजदूरी गर्दै आफ्नो जेनतेन दैनिकी जीविका यापन गर्दै आईरहेका दिनेश गत भदाै १० गते घर नजिकै घाँस काट्न जाँदा अग्लो रुखबाट खसेर गम्भीर घाईते भएको थियो। उनको कम्मरकाे हड्डी भाँचिएको र शरीरको अन्य भागमा समेत गम्भीर चोट लागेको छन् घाईते भएका दिनेशलाई उपचार लागि काठमाडौं लगिएको थियो।

विपन्न वर्गका दिनेशको आर्थिक अवस्था अत्यन्त नाजुक रहेकै कारण औषधि उपचार गर्न नसकेर घर फर्किन विवस भए। चिकित्सकले उनको उपचारमा धेरै खर्च लाग्ने बताए पनि हाल उनी जीवन र मृत्युसँग लडिरहेको छ, ओछ्यानमै छट्पटी रहेको छ भन्ने खबर भुपु शिक्षक तथा समाजसेवी राम न्यौपानेले पिटी अनलाइनलाइ जानाकारी दिए ।

यस बिचमा वैदेशिक रोजगारीमा रहेर कतारबाट तार्केश्वर गापा दाङ्सिङ निवासी समाजसेवी फुल बहादुर तामाङले सामाजिक सञ्जाल मार्फत आर्थिक सहयोग अभियान सन्चाल गरेको छ। उनका अनुसार मानव सेवा नै धर्म हो भनेर निस्वार्थ मानवतालाई आत्मसात गर्दै उहाँको उपचारको लागि “एकले थुकी सुकि सयले थुकी नदि” भन्ने भनाइलाई मनन गर्दै आर्थिक सहयोग अभियानमा जुटेको बताए ।

अभियन्ता तामाङले दिनेशको जीवन रक्षार्थ सहयोग गर्न इच्छुक मनकारी सबैजनालाई यस अभियानमा जोडिन सम्पूर्ण नेपाली दाजुभाई दिदी बहिनीहरुमा अपिल गरेको छ । यस सँगै वैदेशिक रोजगारमा रहेका तारकेश्वर बासी लगायत अन्य सहयोगी दाताहरुबाट केही रकम जम्मा भइरहेको छ तर पनि उपचारको लागि आवश्यक रकम अझै अपुग रहेको बताउछ्न। पारिवारिक आम्दानीको स्रोत केही नहुँदा उपचारका लागि गाह्रो भएको दिनेशको केही वर्षअगाडि अन्तर्जातीय विवाह भएको थियो तर अहिले श्रीमतीले समेत छोडेर गईसकेको र उनको एक सन्तान छोरी समेत रहेकी छिन् ।

सहयोग गर्न चाहनुहुने महानुभावहरुले हिमालयन बैँक लिमिटेड तारकेश्वरमा निजको आफ्नै फुपुको नाममा रहेको खाता नम्बरमा रकम पठाउन सक्नुहुनेछ।

Name- MITHU MAYA BARDIWAD
Account No.- 05808941660016
Himalayan bank Limited
Tarkeshwar branch. Nuwakot,Nepal