रियाद, साउदी
गैर आवासीय नेपाली सङ्घ,अन्तर्राष्ट्रिय समन्वय समिति(एनआरएनए आईसीसी)सदस्यमा साउदी अरेबियाबट विशाल कुमार श्रेष्ठ निर्विरोध निर्वाचित भएको छ। श्रेष्ठसंगै दिपक रेग्मी र राम ब क्षेत्री आईसीसी सदस्यमा निर्वाचित भएको छ।शुक्रवार साउदी राजधानी शहर रियादमा सम्पन्न एनआरएनए साउदीको नवौँ महाधिवेशनबाट सन् २०२३-२०२५ का लागि श्रेष्ठ आईसीसी सदस्यमा निर्वाचित भएको हो । एनआरएनए साउदीको अध्यक्षमा पहिलो पटक महिला अध्यक्षमा रविना अर्याल र महासचिवमा पत्रकार शुक्र मोक्तानलाई निर्विरोध निर्वाचित गरेको छ।

पुर्खौली घर जलेश्वर , महोत्तरी भएका श्रेष्ठ अहिले ललितपुरमा बसोबास गरिरहेको छ। सामन्य कामदारको रुपमा सन् २००७मा वैदेशिक रोजगारीको सिलसिलामा साउदीको वासमा ट्रेडिङमा कार्यरत उनी सन् २०१० देखि अलकासिममा एरिया म्यानेजरको रुपमा कार्यरत रहेका छन् ।श्रेष्ठ यसअघि सन् २०१४को मे २३ मा स्थापना भएको आरसिसी अलकासिमको संस्थापक सचीव र सन् २०१५मा एनसिसी सदस्यमा मनोनीत भएका थिए भने सन् २०१५-१७ एनसीसी सचीव ,सन् २०१७-१९ एनसीसी सचीव र सन,२०१९-२१ एनसिसी उपाध्यक्ष थिए ।

एनआरएनएमा कार्यरत अबस्थामामा सन् २०१६ मा तत्कालीन राजदुत आनन्द राज शर्माले श्रेष्ठको सामाजिक र श्रमिक सम्बन्धित योगदान देखेर नेपाली राजदुतावासको अल कासिम क्षेत्रको अबैतनिक दुत नियुक्त गरेका थिए। हालपनी अबैतनिक दुत भएर श्रेष्ठ श्रमिक राहत तथा उद्वारमा सक्रिय रहदै आएका छन् । श्रेष्ठको पहलमा साउदी अरबमा फसेका दर्जनौं चेली तथा उल्लेखनीय श्रमिक दाजुभाइको उद्वार भएको छ। दूतावासको पहुच नपुगेको क्षेत्र तथा साउदीभरी नौ श्रमिक समस्यामा श्रेष्ठलाई आम नेपाली समुदायले सम्झने गरेको पाएको छ।श्रमिक समस्यामा अगाडी रहेको साउदीको श्रमिक समस्याबारे कार्यरत श्रेष्ठको आईसीसी सदस्यमा निर्वाचित हुदा श्रमिक समस्यालाई अन्तर्राष्ट्रिय करण गर्न सहज हुने बिश्वास गरिएको छ।