नुवाकोट।

समाजसेवी तथा व्यवसायी नवराज ढुंगानाको व्यक्तिगत सहयोगमा बिदुर नगरपालिका वडा नं १३ अन्तर्गत रहेको श्री वागेश्वरी आधारभूत विधालयमा अध्यनरत १ कक्षा देखि ८ कक्षा सम्मका अध्यनरत करिब १३४ जना विद्यार्थी भाई बहिनीहरु लाई ट्रयाक सुट तथा शैक्षिक सामग्रीहरु वितरण गरेका हुन ।

पोशाक वितरण कार्यक्रममा अरुण कुमार श्रेष्ठ, नवराज ओझा, प्रदिप घिमिरे, अम्बिका पौडेल, प्रज्वल सापकोटा, नवराज ढुंगाना,रुपक पौडेल, बिद्यालय वावास्थापन अध्यक्ष नारायण श्रेष्ठ, विद्यालयका (प्र.अ.) कुमार खड्का, विधालयका  पुर्व अध्यक्ष सक्कल तामाङ, सदस्यहरु लगायतका अभिभावकहरु, अन्य राजनीतिक दलका नेता कार्यकर्ता तथा सामाजिक व्यक्तिहरुको बाक्लो सहभागिता रहेको थियो ।

नेकपा एमाले पार्टीका केन्द्रीय सदस्य तथा समाज सेवी बिन्दा ढुंगानाको प्रमुख आतिथ्यमा सम्पन्न भएको कार्यक्रमको सम्बोधन गर्दै ढुंगानाले विधार्थीहरुलाई शिक्षक र अभिभावक हरुले नै अनुशासित र राम्रो संस्कार सिकाउनु पर्ने, बिधार्थिहरुको हरेक क्रियाकलापमा ध्यान  पुर्याउनुपर्ने सुझाव दिदै यस विधालयको संरचना, व्यवस्थापन, बिधार्थीको अनुशासित भएको यद्दपी बिधार्थीको संख्यामा कमि देखीएको धारणा राखिन ।

प्रमुख सहयोगी दाता व्यवसायी नवराज ढुंगानाले आफ्नो कुनै राजनीतिक व्यक्तिगत स्वार्थ नभईकन उक्त स्कुलमा आफु काम विशेषले पहिलो पटक पुग्दा नै त्यहाँका बिधार्थी भाई बहिनिहरुको अवस्थालाई देखेर भित्रि हृदयबाट केहि सहयोग गरौँ कि भन्ने भावना जागेर आएकोले विद्यालयका प्र.अ. कुमार खड्का को समन्वयमा पहिलोपटक सानो सहयोग उपलब्ध गराएको छु, अझै केहि चिजको अभाव, समस्या परेमा सम्झिनु होला आफुले व्यवसायबाट आर्जन गरेको मुनाफाको केहि प्रतिशत सामाजिक कार्यमा खर्चिने छु, सहयोग को लागि आफु सदैव तत्परता रहेको प्रतिबद्धता व्यक्त गर्दै सामाजिक कार्यमा समर्पित हुन पाउदा आफुलाई सन्तुष्ट प्राप्त हुने बताए ।

उक्त कार्यकम को सहजीकरण शिक्षिका देउती दर्लामी मगरले गरेकी थिईन् भने यस वर्ष प्रथम, दित्तीय, तृतीय स्थान हासिल गरेका विधार्थीहरु साथै बिधालयमा नियमिति उपस्थित हुने कक्षा ९ कि विद्यार्थी मोनिका तामाङ, अनुसाशितमा कक्षा ८ कि संगीता घिमिरे, सरसफाईमा कक्षा ५ मा अध्यनरत सुबिना तामाङ लाई शैक्षिक सामाग्री प्रदान गरी सम्मान गरेको थियो भने उपस्थित अतिथिहरु नमराज ओझा, अम्बिका पौडेल लगायतले मन्तब्य राखेका थिए ।

कार्यक्रममा बिधार्थी भाई बहिनीहरु ले गित तथा नृत्य समेत प्रस्तुत गरेका थिए ।