दम्माम ,साउदी ।

साउदीमा कार्यरत नेपाली श्रमिक बीच करिव १ लाख ७७ हजार प्रथम पुरस्कार रहेको प्रथम दम्माम भेट्रान गोल्डकप-२०२३ को तयारी पूरा भएको छ।

नयाँ बर्ष २०८० तथा मुस्लिम धर्मालम्बिहरुको महान चाड इद अल- फित्रको उपलक्ष्यमा दमाम भ्रेटान फुटबल क्लब साउदी अरबद्वारा आयोजित उक्त प्रतियोगितामा २१ टिम सहभागी रहने क्लबका अध्यक्ष रोशन श्रेष्ठले जानकारी दिए।

प्रतियोगितालाई आबस्यक प्राबिधिक तथा भौतिक तयारी पूरा भएको छ। प्रतियोगिता समयमा नै शुरु हुनेहुदा खेलप्रेमी नेपाली दाजुभाइ तथा दिदिबहिनीहरुलाई उपस्थितिको लागि हार्दिक अनुरोध गर्दछु – श्रेष्ठले पिटि अनलाईनलाई भने।

आगामी अप्रिल (२१ र २२) शुक्रबार र शनिबार हुन लागेको उक्त प्रतियोगिताको प्रथम पुरस्कार राशी करिब १ लाख ७७ हजार बराबरको रहेको छ । प्रतियोगिताको बिजेता टिमले ५१५१ साउदी रियल (नेपालि १ लाख ७७ हजार), ट्रफी, मेडल र प्रमाणपत्र र उप–बिजेता टिमले २५२५ साउदी रियाल (नेपालि ९० हजार), ट्रफी, मेडल र प्रमाणपत्र प्राप्त गर्नेछन् भने प्रतियोगिताका हरेक खेलको उत्कृष्ट खेलाडीहरूलाईसमेत ट्रफी, मेडल र प्रमाणपत्र प्रदान गरिने आयोजक जनाएको छ।

नेपाली समुदायबीचको सामाजिक सद्भाव र भाइचारा कायम राख्नको निमित्त आयोजित प्रतियोगिताको प्रायोजन संघीय लिम्बुवान सामाजिक मन्च , राफा मेडिकल सेन्टर ,वाईवाई चाउचाउ ,फ्रेन्डी मोबाइल , राजेन्द्र अर्याल ,राजु सैयद ,श्री यावा लिम्बू ,जेन कुमार लामा ,कुबेर हुमागाई, उमेश भट्टराई र रामचन्द्र पौडेलले गरेका छन् ।

पछिल्लो समय साउदीमा नेपाली समुदाय सामाजिक अभियानका साथ खेल प्रतियोगिता आयोजना गर्दै आईरहेको छ। साउदीमा नेपाली श्रमिक बीच फुटबल ,भलिबल प्रतियोगिता आयोजना हुदै आईरहेको छ।लामो समयपछि हुने रमादान तथा ईद बिदामा साउदीको पुर्बी क्षेत्र दम्माम ,अलखोबार ,जुबेल ,रैमा,अलहासा, रियाद ,जेद्वा,अलकासिम लगायतको शहरहरुमा प्रतियोगिता आयोजना हुँदै आईरहेको छ।