दाङ।
पश्चिम दाङको बबई गाउँपालिका ७ स्थित सरस्वती माध्यमिक विद्यालय चरकमटिया विद्यालय ब्यवस्थापन समितिको निर्वाचनको समाचार संकलन गर्न गएका पत्रकार माथि दुर्ब्यवहार भएको छ । २४ चैत दिउँसो मतदान भइरहेका बेला भएको विवादका बारेमा बुझ्न पुगेका पत्रकारमाथि निर्वाचन अधिकृत र निर्वाचन परिचालन समितिका संयोजकले दुर्ब्यवहार गरेको नेपालयन खबरका संवाददाता मनवीर रिजालले बताए।

उनले मतदानका क्रममा निर्वाचन अधिकृत र निर्वाचन परिचालन समितिका संयोजकले धाँधली गरेपछि विवाद भएको बताए । मतदान किन रोकियो भनेर सोधेर हामी निस्कदै थियौँ । म र हिमाल विश्वकर्मा माथि हातपात प्रयास गर्दै ज्यान मार्ने धम्की दिइयो । पहिचानका लागि मेरो फोटो खिचेर लगियो,’ रिजालले भने ।

पत्रकार विश्वकर्मा र रिजालले ज्यान मार्ने धम्की दिनेलाई कारवाहीको माग समेत गरेका छन् । हामीमाथि हातपात प्रयास गर्ने र ज्यान मार्ने धम्की दिएकोले सम्वन्धित निकायको ध्यानाकर्षण होवस,’ उनले भने । विश्वकर्मा प्रेस चौतारी दाङका कार्यसमिति सदस्य हुन् भने रिजाल प्रेस चौतारी शान्तिनगरका सचिव हुन्