बागमतीले चुम्यो जुबेलमा आयोजित भलिबल प्रतियोगिताको उपाधी।
- पिटि अनलाईन न्यूज
- २ बैशाख, २०८१ ०२:३६
- 23 Views
जुबेल,साउदी।
साउदी अरेबियाको पुर्बी क्षेत्र अल जुबेलमा आयोजित भलिबल प्रतियोगिताको उपाधी बागमती प्रदेश भलिबल क्लबले चुमेको छ।
नवबर्ष २०८१ तथा रमादन ईदको अबसरमा ए जि एस नेपाली भलिबल कमिटी जुबेल र गण्डकी क्लब जुबेलको सयुक्त आयोजनामा शुक्रवार राती सम्पन्न खेलमा बागमतीले आयोजक ए जि एस नेपाली भलिबल टोलीलाई फाईनलमा हराउदै उपाधी चुमेको हो।
२८ टोली सहभागि प्रतियोगिताको उप-बिजेता आयोजक ए जि एस र तेस्रो स्थान सह आयोजक गण्डकी क्लब जुबेलले जितेको छ।
उल्लेखनीय दर्शक उपस्थिति रहेको प्रतियोगीताको उपाधी बिजेता बागमतीलाई २५ सय रियाल , उपबिजेता ए जि एस १३ सय र तेस्रो पुरस्कार गण्डकीलाई ६ सय प्रमुख अतिथी प्रवासी मिलन एकता समाज साउदी अरबका अध्यक्ष काजी गुरुङले नगद ,प्रमाण पत्र र शिल्ड प्रदान गरेका छन् ।
बुधबार, बिहिवार र शुक्रबार सम्पन्न प्रतियोगिता जुबेलको अल गोसाइबी क्यामको खेलमैदानमा सञ्चालन भएको थियो। प्रतियोगिता सम्पन्न गर्न उल्लेखनीय भुमिका निर्वाह गर्नुहुने खेलाडी ,सहभागी क्लब ,आर्थिक ,नैतिक ,भौतिक लगायत विभिन्न सहयोग गर्नु हुने प्रवासी मिल एकता समाज र गण्डकी क्लब लगायत सम्पुर्णमा हार्दिक आभार ब्यक्त गर्दै कुनै कारणबस गल्ती हुन गएमा माफी चाहन्छु – खेल संयोजक खेमराज खनालले भने ।