बासुदेव न्यौपाने
काठमाडौं,
सिन्धुपाल्चोकको इन्द्रावती गाउपालिका वडा नं. ११ कार्यालय भवन निर्माण कार्य भइरहेको छ । ६५ लाख रपैयाँमा निर्माण हुन लागेको २ तले भवनको पहिलो तलाको निर्माण कार्य सम्पन्न भएको छ । १९ वटा पिलर लगाएर बनाइएको भवनको पहिलो तलामा ४० लाख रुपैयाँ खर्च भएको छ । त्यस्तै दोस्रो तलामा बाँकी २५ लाख रुपैयाँले पुग्ने अनुमान गरिएको छ ।

पहिलो तलामा एक सभा हल, एटेज बाथरुम सहितको ३ वटा कोठा र एक खुल्ला चर्पी रहने छन् । दोस्रो तलामा १५० जना बस्न मिल्ने सभा हल, भित्रै एक चर्पीसहित २ वटा कोठा तथा महिला र पुरुषका लागि छुट्टा छुट्टै खुला चर्पी बनाइने छ ।

वडा कार्यालयको पूर्जामा ८ आना जग्गा पास भएको छ भने कार्यालयको आसपासमा १ रोपनी सार्वजनिक जग्गा रहेकोे छ । पहिलो तलाको सम्पूर्ण काम सकिएको छ । बाँकी दोस्रो तलाको सम्पूर्ण काम कात्तिक मसान्तसम्ममा पुरा गर्ने लक्ष्य राखिएको वडा कार्यालयले बताएको छ ।