पिटी अनलाइन खबर/काडमाडौँ

२ , वैशाख

विश्वभरि महामारीको रुपमा फैलिरहेको कोरोना भाइरस नेपालमा पनि संक्रमितको संख्या नरोके पछि तेश्रो पटक सरकारले लकडाउनको अवधि थप गरेको छ ।

आज करिब ४ घण्टा सम्म बसेको मन्त्रिपरिषद्को बैठकले १२ दिन थपेर यही वैशाख १५ सम्म लकडाउन कायमै राख्ने निर्णय गरेको सरकारका प्रवक्ता तथा अर्थमन्त्री डा युवराज खतिवडाले जानकारी दिनु भएको छ भने हवाइ उडानमा लगाइएको रोक वैशाख १८ सम्म कायम रहने छलफलले निर्णय गरेको छ ।

बैठकमा नोबेल कोरोना भाइरसको रोकथामका लागि भइरहेका प्रयासका बारेमा मन्त्रीहरुले आ-आफ्नो धारणा राखेका थिए भने विषयगत समूहबाट भइरहेका कामकारबाहीको बारेमा कोभिड १९ नियन्त्र तथा उच्चस्तरीय समितिका संयोजक एवं उपप्रधान मन्त्री ईश्वर पोखरेलले जानकारी गराउनु भएको थियो ।