सिन्धुली।

राष्ट्रिय लोक तथा दोहोरी गीत प्रतिष्ठान नेपाल, जिल्ला कार्यसमिति सिन्धुलीको १३औँ वार्षिक साधारण सभा तथा ६औँ जिल्ला अधिवेशन भव्य रुपमा सम्पन्न भएको छ।

कार्यक्रममा प्रतिष्ठानका केन्द्रीय सदस्य कृष्ण गौतमको प्रमुख आतिथ्यतामा, प्रतिष्ठान मधेश प्रदेशका अध्यक्ष रुन्द्रसेन विश्वकर्मा, बागमती प्रदेशका वरिष्ठ उपाध्यक्ष बालकुमार मल्ल, प्रतिष्ठान सिन्धुलीका पूर्व अध्यक्ष टीकाजंग थापा, थाहा नगर उद्योग वाणिज्य संघका उपाध्यक्ष सम्भु कार्की लगायत विभिन्न संघ–संस्था तथा कलाकारहरुको उल्लेखनीय उपस्थिति रहेको थियो।

प्रतिष्ठान सिन्धुलीका अध्यक्ष नन्दलाल श्रेष्ठको अध्यक्षतामा सम्पन्न उद्घाटन सत्र पछि गरिएको ६औँ महाधिवेशनले दुई कार्यकाल सचिवको भूमिकामा रहेर सक्रिय रहेका सुमन थापा मगरको अध्यक्षतामा २१ सदस्यीय नयाँ कार्यसमिति सर्वसम्मत रूपमा चयन गरेको छ।

नयाँ नेतृत्वमा अध्यक्ष सुमन थापा मगर, प्रथम उपाध्यक्ष पवित्रा रम्तेल, द्वितीय उपाध्यक्ष डिल्लि काफ्ले, महिला उपाध्यक्ष निरुता मोक्तान, सचिव सन्तोष नेपाली, सह–सचिव रिता थिङ, कोषाध्यक्ष सिद्धबहादुर बिक, सह–कोषाध्यक्ष अन्जिला श्रेष्ठ चयन भएका छन् भने सदस्यहरूमा श्याम अधिकारी, प्रकाश तामाङ, जीवन थापा मगर, सन्चिता थापा मगर, सृजना गोले, गङ्गा ठटाल, रुबिना पुलामी, रिता बिक, पारु अस्तानी मगर, विशाल सतसङ्कर, शिव परियार, प्रेम राना मगर, रञ्जित भुसाल, गौरव श्रेष्ठ र तिलक पहेली निर्विरोध चयन भएका छन्।

नयाँ नेतृत्व सर्वसम्मत तथा निर्विरोध रूपमा चयन भएकोमा समपूर्ण केन्द्रिय समिति परिवारप्रति अध्यक्ष सुमन थापा मगर तथा सिन्धुली प्रतिष्ठान परिवारले हार्दिक कृतज्ञता व्यक्त गरेका छन्।

त्यसैगरी, सिन्धुलीमाढीस्थित कमलामाई पार्टी प्यालेसमा सम्पन्न कार्यक्रम सफल बनाउन महत्वपूर्ण सहयोग पुर्याउनु भएका एल.बी. बुढाथोकी लगायत सहयोगी प्रति विशेष आभार प्रकट गरिएको छ।