हाफर अल बातिन (साउदी अरेबिया) – साउदी अरेबियाको हफर अल-बतिन क्षेत्रमा पहिलो पटक नेपाली भेला तथा परिचयात्मक कार्यक्रम हुने भएको छ। आउँदो शुक्रबार, २०२५ सेप्टेम्बर ५, दिउँसो १२ बजेबाट आयोजना हुने कार्यक्रम गैर आवासीय नेपाली संघ (एनआरएनए) साउदी अरेबियाको पहलमा सम्पन्न हुन लागेको हो।

नेपाली साझा मञ्च साउदी अरेबियाका महासचिब राजु केसीको अनुसार, कार्यक्रममा एनआरएनए क्षेत्रीय समन्वय समिति (RCC) गठन गर्ने तयारी समेत गरिएको छ। यस समितिको गठनपछि हफर अल-बतिन क्षेत्रमा रहेका नेपालीहरूले आकस्मिक अवस्था वा अन्य समस्या पर्दा सजिलै सहयोग र राहत पाउने अपेक्षा गरिएको छ।

“अहिलेसम्म कुनै पनि नेपाली संस्था पूर्ण रूपमा सक्रिय नभएकाले स–साना समस्यामा पनि नेपालीहरू अल्झिनुपर्ने अवस्था थियो। तर अब आरसीसी गठन भएपछि समुदायलाई प्रत्यक्ष सहयोग पुग्नेछ,” महासचिव केसीले बताए।

कार्यक्रममा यस क्षेत्रमा रहेका सम्पूर्ण नेपालीहरूलाई सहभागिता जनाई भेला सफल बनाउन आग्रह गरिएको छ। नेपालीहरूको साझा समस्या समाधान र आपसी एकता मजबुत बनाउन यो कार्यक्रम महत्वपूर्ण कदम हुने आयोजकहरूले विश्वास लिएका छन्।

कार्यक्रम विवरण :

• मिति: शुक्रबार, २०२५ सेप्टेम्बर ५
• समय: दिउँसो १२
•  हाफर  अल बातिम साउदी अरेबिया
• लोकेशन: https://maps.google.com/?q=28.334860,45.913654