काठमाडौं – हिजो राति सम्पन्न “दोस्रो च्यागया गुरुङ आमन्त्रण  बक्सिङ तथा मुवा थाई प्रतियोगिता – २०२५” (CCG Night Fight Series 2) मा सोनिया तामाङले सनसनीपूर्ण जित दर्ता गर्दै उपाधि उचालेकी छिन्।

लायन मुवा थाई फाइट क्लबको प्रतिनिधित्व गर्दै खेल्ने १४ वर्षीया तामाङले २३ वर्षीया प्रतिद्वन्द्वी रितु राईलाई पराजित गर्दै उपाधि हात पारिन्। नुवाकोटको म्यागङ-६ निवासी तामाङ यसअघि पनि मुवा थाई प्रतियोगितामा विजयी भइसकेकी थिइन्।

यस जितसँगै सोनिया तामाङको मुवा थाई करियर झनै सफल बन्ने विश्वास गरिएको छ। कम उमेरमै उनले देखाएको उत्कृष्ट प्रदर्शनले उनलाई उज्ज्वल भविष्यको खेलाडीका रूपमा स्थापित गराउने अपेक्षा गरिएको छ।