रियाद, बिबश रसाईली।

वैदेशिक रोजगारीको सिलसिलामा साउदी अरब पुगेका दाङका एक युवकको बुधबार राति निधन भएको छ।

दाङको दङ्गीशरण गाउँपालिका–६ थपगाउँका ३८ वर्षीय अर्जुन सार्कीको निधन भएको खबर उनका साथी अजयखनालले  दिएका छन्।

सार्की ३८ महिनाअघि काठमाडौंस्थित मोन्टेज मेनपावरमार्फत साउदी अरब गएका थिए र रियाद स्थित एक लजिस्टिककम्पनीमा कार्यरत थिए। उनका साथीहरूका अनुसार, सार्कीले खाना खाएर सुतेका थिए तर बिहीबार बिहान उठाउनजाँदा उनी निधन भएको अवस्थामा फेला परेका थिए।

सार्कीको निधनले परिवारमा शोक छाएको छ। उनका घरमा आमा, श्रीमती र एक छोराछोरी छन्। परिवारले सार्कीकोशव नेपाल ल्याउन साउदी स्थित नेपाली दूतावास, सम्बन्धित निकाय र नेपाल सरकारसँग आग्रह गरेका छन्।