काठमाडौं।

उच्च शिक्षा अध्ययनका लागि फ्रान्स पुगेका एक २३ वर्षीय नेपाली युवकले आत्महत्या गरेका छन्।

नुवाकोट जिल्ला म्यागङ गाउँपालिका–०४ किम्ताङका  मानसिङ घले, १८ महिना अघि विद्यार्थी भिषामा फ्रान्सकोराजधानी पेरिसमा उच्च शिक्षा अध्ययनका लागि गएका थिए।

घले गत मंगलबार, २२ अक्टोबरका दिन दक्षिण पेरिसको इटाङ भन्ने शहरमा मृत अवस्थामा फेला परेका हुन्। गैरआवासीय नेपाली संघ राष्ट्रिय समन्वय परिषद, फ्रान्सका अध्यक्ष लोक बहादुर पुनले जानकारी दिएअनुसार, उनीमंगलबार आत्महत्या गरेका थिए र सँगै एउटा सुसाइड नोट पनि भेटिएको छ।

मृतकको शव शुक्रवार  बिहान पोस्टमार्टम गरिएको थियो र रिपोर्ट आउन बाँकी छ। मृतकको परिवारसँग छलफलभइरहेको पनि अध्यक्ष पुनले जानकारी दिएका छन्। घटनाले फ्रान्समा रहेका नेपाली समुदायलाई मर्माहत बनाएको छ, र परिवारजनलाई यो कठिन समयमा सान्त्वना दिन विभिन्न संघसंस्थाहरुले पहल गरिरहेका छन्।