काभ्रे – काभ्रेको पाँचखालमा ‘हनीट्र्याप’ मार्फत एक ५० वर्षीय व्यक्तिको अपहरण र हत्या भएको घटना सार्वजनिक भएको छ। प्रहरीले सिन्धुपाल्चोककी मुख्य योजनाकार २१ वर्षीया मनिषा महत सहित अन्य अभियुक्तलाई पक्राउ गरी सार्वजनिक गरेको हो।

असोज ५ गते १० बजे मनिषाले कीर्तिपुर निवासी विनोद खड्गीलाई खाना खान बोलाएर आफ्नो नागरिकताको प्रतिलिपी बनाउन सहयोग गर्न आग्रह गरिन्। विनोद मनिषाको डेरामा पुगेपछि पहिले नै योजना बनाइसकेका अन्य सहयोगीहरूले विनोदलाई कुटपिट गरी सख्त घाइते बनाए।

पछिसम्म फिरौती रकमको बार्गेनिङ गर्दै, विनोदका कर्मचारीमार्फत पाँच लाख रुपैयाँ फिरौती स्वरूप असुलेपछि उनीहरूले विनोदको हत्या गरी शवलाई काभ्रेको पाँचखालस्थित झाडीमा फाले।

यस घटनामा संलग्न मनिषा महत, अन्सु, शिवम्, प्रतीक, आशिष लगायतको समूहलाई प्रहरीले नियन्त्रणमा लिएर कारबाही अगाडि बढाएको छ।