साउदी अरब ।
साउदी अरबको जेद्दा स्थित महावाणिज्यदूतावासले सामाजिक क्षेत्रमा उल्लेखनीय योगदान पुर्‍याएका नेपाली साझा मञ्च साउदीका उपाध्यक्ष श्री तेज ब बिकलाई एक विशेष सम्मानपत्र प्रदान गरेको छ।

नेपाली श्रमिकहरूको समस्याको समाधानमा महत्वपूर्ण भूमिका निर्वाह गर्दै आएको र श्रमिकहरूको उद्धार, सहयोग, आवास व्यवस्थापन, साथै तिनीहरूको हकहितको लागि निरन्तर योगदान गरेको भन्दै महावाणिज्यदूतावासले उहाँलाई सम्मान गरेको हो।

सम्मानपत्रमा महावाणिज्यदूत श्री शत्रुधन सिंह पोखरेलले श्रमिक समुदायको हितका लागि गरिएको योगदानको कदर गर्दै भविष्यमा पनि यस्तै सेवाभाव निरन्तर रहने अपेक्षा व्यक्त गर्नुभएको छ।

यो सम्मानले श्री बिक नेपाली साझा को श्रमिक हितमा गरिएको योगदानलाई थप उचाइमा पुर्‍याएको छ भने नेपाली श्रमिकहरूबीच सकारात्मक ऊर्जा र उत्साहको सञ्चार गरेको छ। शुक्रवार नेपाली राजदुतावासले रियाद र जेद्वा महावाणिज्यदूतावासले जेद्वामा छुट्टाछुटै समारोह गरी साउदीमा सकृय सङ्घ सन्स्था र ब्यक्तित्वलाई सम्मान गरिएको छ।