युबराज पुन, सुनवल, असोज-३– संविधान दिवसको उपलक्ष्यमा सुनवल नगरपालिकाले भव्य कार्यक्रमको आयोजना गर्दै भुमही वृद्धाश्रमका पाँच जना वृद्धवृद्धा र लुम्बिनी माविमा अध्ययनरत विशेष क्षमता भएका १२ जना विद्यार्थीलाई पोशाक वितरण गरेको छ। कार्यक्रमको अध्यक्षता नगरप्रमुख विमला अर्यालले गर्नुभएको थियो भने प्रमुख अतिथि जिल्ला समन्वय परिषद् समितिका भगवती यादव रहनुभएको थियो।

वृद्धावस्थामा रहेका वृद्धवृद्धाहरुलाई सम्मान गर्दै पोशाक वितरण गरिएको यस कार्यक्रममा विभिन्न संघसंस्थाका प्रतिनिधिहरूले शुभकामना मन्तव्य व्यक्त गरेका थिए। शुभकामना दिने प्रमुख व्यक्तिहरूमा डोलराज भण्डारी, थानप्रसाद गैरे, र कर्ण बहादुर सेन लगायतका व्यक्तिहरू उपस्थित थिए।

कार्यक्रममा सहभागीहरूले संविधान दिवसको अवसरमा गरिएको यो कार्य सामाजिक सद्भाव र मानवीय सेवामा महत्वपूर्ण पहल भएको बताएका छन्।