युबराज पुन ,नवलपरासी ।

सामुदायिक बन उपभोक्ता महासंघ नगर समिति सुनवलले डिभिजन बन कार्यालय, नवलपरासी पश्चिमलाई मार्फत लुम्बिनी प्रदेश सरकारलाई ज्ञापन पत्र बुझाएको छ।

महासंघ नगर समिति सुनवलको अध्यक्ष कर्ण बहादुर सेनको अध्यक्षतामा र सामुदायिक बन उपभोक्ता महासंघका केन्द्रीय सदस्य कमल परियारको प्रमुख आतिथ्यतामा स्थानीय तहका सामुदायिक बन उपभोक्ता समुहको पदाधिकारीहरुको उपस्थितिमा जनउदय सामुदायिक बनको सभाहलमा बैठक बसी डिभिजन बन कार्यालय नवलपरासी र प्रदेश सरकारमा ज्ञापन पत्र
बुझाउने निर्णय अनुसार असार २१ गते डिभिजन बन कार्यालय नवलपरासीका बन अधिकृत महेन्द्र राज वाग्लेलाई ज्ञापन पत्र बुझाएको हो ।

ज्ञापन पत्रमा लुम्बिनी प्रदेशको आर्थिक ऐन २०८१को दफा १३ अन्तर्गत सामुदायिक बन उपभोक्ता समुहको आन्तरिक बिक्रि बाट १० प्रतिशत र बाह्य बिक्रि बाट २५ प्रतिशत कर प्रदेश सरकार लाइ बुझाउनु पर्ने निर्णयले उपभोक्ता समुहलाई मर्का पर्ने गरेको जनाएको छ।

त्यसैले हरेक क्षेत्रको सामुदायिक बन उपभोक्ता समुहले जिल्लाका सबै समुहले बैठक बसी निर्णयको साथ ज्ञापन पत्र बुझाएको महासंघले बताएको छ।
गत१८ गते बर्दघाटका स्थानीय तहका सामुदायिक बन उपभोक्ताहरुको उपस्थितिमा बैठक र १९ गते सुस्तामा र २० गते सुनवलमा बैठक बसी निर्णय गरि डिभिजन बन कार्यालय मार्फत ध्यानाकर्षण सहित प्रदेश सरकारलाई
ज्ञापन पत्र बुझाएको हो।