काठमाडौ/
कर्णाली नदीको झोलुङ्गे पुलमा फसेका ७ वटा खच्चडको उद्धार गरिएको छ। आइतबार बिहान अछामको पञ्चदेवल विनायक नगरपालिका–९ र दैलेखको आठबिस नगरपालिका वडा–४ जोड्ने कर्णाली नदीमाथिको झोलुङ्गे पुलमा फसेको १३ वटा खच्चड मध्ये अहिलेसम्म ७ वटाको उद्धार गरिएको हो।

जिल्ला प्रशासन कार्यालय दैलेखका सूचना अधिकारी गणेशप्रसाद कोइरालाका अनुसार पुलमा फसेका १३ वटा खच्चड मध्ये अहिलेसम्म ७ वटाको उद्धार गरिसकिएको छ। अन्य खच्चडको उद्धार कार्य भइरहेको कोइरालाले बताए।

पुलमा फसेका खच्चडको उद्धार गर्न नेपाली सेना सशस्त्र प्रहरी, नेपाल प्रहरी र स्थानीय लगायत खटिएका सूचना अधिकारी कोइरालाले बताए। उनका अनुसार पुलमा फसेका खच्चडलाई कर्णाली नदीमा खसाएर बोटका माध्यमबाट उद्धारको काम भइरहेको हो।