साउदी।

नेपाल समूह विजेता बन्दै साउदी अरेबियामा जारी वाफ महिला च्याम्पियनसिप फुटबल २०२४ को सेमिफाइनलमा प्रवेश गएको छ ।

जेद्दाह शहरस्थित किंग अब्दुल्ला स्पोर्ट्स स्टेडियममा शनिबार राति सम्पन्न समूह चरणको तेस्रो तथा अन्तिम खेलमा नेपालले प्यालेस्टाईनलाई ४-० गोलले पराजित गरेको हो ।

प्रतियोगितामा नेपालको शानदार सुरुवात गरेको छ । पहिलो खेलमा सिरियलाई ४–१ ले हराएको नेपालले दोस्रो खेलमा इराकलाई ५–० ले हरायो । नेपाली फरवार्ड सावित्रा भण्डारीले राष्ट्रिय टिमबाट ५० औं गोलको कोशे ढुङ्गा पार गरेकी छिन् ।

समूह बीमा रहेको नेपाल विजेता बन्दै सेमिफाइनलमा तुलानात्मक रुपमा कमजोर प्रतिद्धन्दी लेवनानसँगको भिडन्त हुने भएको छ।समूह एबाट जोर्डन समूह विजेता र लेवनान उपविजेता बन्दै सेमिफाइनल पुगिसकेका छन् ।