नुवाकोट।
जिल्लाको अत्यन्तै व्यस्त बजार भनेर चिनिने बट्टारको संगम चोक नजिकै हिजो गार्डियन माईक्रो लाईफ इन्स्योरेन्स लिमिटेडको उपशाखा समुदघाटन, समारोह तथा प्रशिक्षण कार्यक्रम सम्पन्न भएको छ।

बागमती प्रदेश (ख) का माननीय रमेश कुमार महत प्रमुख अतिथिमा उद्घाटन गरिएको कार्यक्रममा बिशेष अतिथिहरु बिदुर नगर पालिकाका प्रमुख राजनलाल श्रेष्ठ, बिदुर वडा नं ४ का अध्यक्ष निलम बाबु ढुंगेल, नुवाकोट उद्योग वाणिज्य संघका अध्यक्ष राजेन्द्र श्रेष्ठ, गार्डियन माईक्रो लाईफ इन्स्योरेन्स लिमिटेडका कार्यकारी प्रबन्ध निर्देशक चिरायु भण्डारी, नायव प्रमुख कार्यकारी अधिकृत ज्योती प्रसाद पाण्डे, मुख्य प्रबन्धक कैलास देवकोटा, काठामाडौं कार्यालयको प्रधुम्न पौडेल, त्यसैगरी नुवाकोट उपशाखा प्रमुख विनिता थोक्रा लगायत विभिन्न संघ संस्था, सहकारी, विद्यालयका प्रमुखहरु, व्यवसायी तथा प्रतिनिधिहरु लगायतको बाक्लो उपस्थिति रहेको थियो ।

“आलि देखि डाली सम्म” भन्ने मुल उदेश्यका साथ उद्घाटन गरिएको लघु जीवन बिमा कम्पनी गार्डियन माईक्रो लाईफ इन्स्योरेन्स लिमिटेडको उपशाखाले सम्पन्न वर्गलाई भन्दा विपन्न वर्गलाई लक्ष्यित गरी न्युनतम रु १३१/- देखि अधिकतम रु, २०००/- सम्मको लाभ लिन सकिने र रु १३१ ले १ लाख सम्मको जोखिम लाई वहन गर्न सकिने कम्पनीका अधिकारी हरुले बताएका छन् । अन्य लाईफ इन्स्योरेन्स कम्पनीहरुको भन्दा फरक डिजिटल सेवा सुविधा लिन सकिने हुँदा झन्जटिलो नहुने सिस्टम ल्याएको बताएका छन् ।

गार्डियन माईक्रो लाईफ इन्स्योरेन्स लिमिटेडका कार्यकारी प्रबन्ध निर्देशक चिरायु भण्डारीले कार्यक्रमलाइ सम्बोधन गर्दै लघु जीवन बिमा व्यवसायीक गर्न मात्रै आएका हैन पब्लिकलाई बिमामय र सामाजिक सुरक्षित गराउने, जन मानसमा आर्थिक संकट बाट कसरी जोगिने र जोगाउने भन्ने महत्वपूर्ण विषयमा जोखिम र समस्या समाधान गर्नको लागि स्थापना गरिएको बताए ।

समुदघाटन, समारोह सके लगत्तै बट्टारमा रहेको तामाङ प्लाजा एग्रो रिसोर्टमा कम्पनीका प्रशिक्षकहरुले बिमा कर्ताहरु तथा अन्य सर्वसाधारणलाई प्रशिक्षण समेत दिईएको थियो ।