नुवाकोट।
राष्ट्रिय संगीतकर्मी संघ नुवाकोट जिल्ला लिखु गाउँ पालिका कार्य समितिको प्रथम साधारण सभा तथा प्रथम अधिवेशन हिजो मार्कोपोलो रिसोर्टमा भव्यताका साथ सम्पन्न भएको हो ।

प्रथम अधिवेसन तथा प्रथम साधारण सभाबाट १३ जनाको  नयाँ कार्यसमिति गठन भएको छ।  अध्यक्ष: मन्जीरा घले, वरिष्ठ उपाध्यक्ष: रुविन नेपाली, उपाध्यक्ष: शैलेन्द्र राई, महिला उपाध्यक्ष: देवकी श्रेष्ठ, सचीव: विष्णु कुमार नेपाली, सह-सचीव : विनोद श्रेष्ठ, प्रवक्ता : सागर सुनार, कोषाध्यक्ष अरुण श्रेष्ठ, सह-कोषाध्यक्ष : सुरेश नगर्जी, सदस्यहरु गङ्गा श्रेष्ठ, संगीता घले, दिल्लिमान मिजार, सुनिल थापा मगर सर्वसम्मत निर्वाचित भएका हुन।

लिखु गाउँपालिकाका प्रमुख धुर्ब श्रेष्ठको प्रमुख आतिथ्यमा उद्घाटन गरिएको कार्यक्रममा विशेष अतिथि संघका केन्द्रीय निवर्तमान वरिष्ठ उपाध्यक्ष नबराज ढुङ्गाना,लिखु गापाका उप-प्रमुख सुभत्रा उप्रेती अधिकारी,बिभिन्न वडाका अध्यक्षहरु नरहरि पान्डे,प्रकाश राई लगायत अन्य अध्यक्षहरु बागमती प्रदेशका अध्यक्ष दावा फेन्जो तामाङ, बागमती प्रदेश महिला उपाध्यक्ष अर्चना स्याङतान, बागमती प्रदेश सचीव करण घलान तामाङ, नेपाल सितिरियो कराँते संघ नुवाकोटका प्रमुख प्रशिक्षक उत्तम राई, सितिरियो कराते संघका केन्द्रीय सदस्य एवं नेपाली कांग्रेस नुवाकोट क्षेत्र नं २ का प्रवक्ता युवा नेता बिजय गुरुङ लगायत अन्य अतिथिहरु, संगीतकर्मी, कलाकार, संगीतप्रेमी, शुभचिन्तकहरुको बाक्लो उपस्थित रहेको कार्यक्रममा राष्ट्रिय कलाकारहरुले सांगीतिक प्रस्तुतिबाट अतिथिहरुलाई थप मनोरन्जन दिलाएका थिए ।

प्रमुख अतिथि धुर्व श्रेष्ठले मन्तव्यका क्रममा आफु निर्वाचित पालिकामा संगीतकर्मी संघ गठन गर्दा अत्यन्तै खुसि लागेको र गौरवको कुरा रहेको भन्दै नयाँ कार्यसमिति लाई कार्य सफलताको  लागि बधाई तथा शुभकामना दिदै बाटो, खानेपानी,शिक्षा तथा खेलकुद जस्तै गित संगीतको पनि विकास गर्दै स्थानीय कला, गलाको सम्मान गर्नु सकेमा मात्रै जिल्ला अनि राष्ट्रलाई संगीतको क्षेत्रबाट फाईदा हुने धारणा राख्दै उहाले लिखु गाउँ पालिका र संगीतकर्मी संघ एउटै रथको दुई पाङग्रा भएको बताउँदै पालिकाको पुर्ण साथ सहयोग रहने, संघलाई बजेड छुट्टाउने प्रतिबद्धता समेत व्यक्त गरेका छ्न्।

कार्यक्रमका संयोजक तथा सभापती मन्जीरा घलेले उपस्थित अतिथिगणहरु लगायत कार्यक्रम सफल पार्न उपस्थित सम्पूर्णलाई आयोजक तथा आफ्नो व्यक्तिगत तर्फबाट हार्दिक आभार व्यक्त गरिन्।  उनले आफुलाई अध्यक्षको लागी योग्य ठहरेर जिल्ला कार्यसमिति तथा नया कार्यसमिति साथै निर्वाचन कमिटीले थप जिम्मेवारी सुम्पेकोमा यो बिश्वास, माया र साथको सदैव कदर गर्नेछु आफुले सकेको, जानेको योगदान संघलाई सदैव रहने प्रतिवद्दता जनाउदै कार्यक्रम समापन गरेकी थिईन।

उक्त कार्यक्रममा अतिथि तथा संगीतकर्मी, कलाकारहरु, पत्रकार, समाजसेवीहरु, जना प्रतीनिधि हरु लाइ सम्मान पत्र र खदा ओडाई सम्मान गरेका थिए भने राष्ट्रिय संगीतकर्मी  संघ जिल्ला कार्यसमिति नुवाकोट की सह-कोषाध्यक्ष कलाकार रोजी रुम्बा लाई राष्ट्रिय संगीतकर्मी संघ नुवाकोट र नेपाल सितिरियो कराँते संघ बिदुर नगर कमिटीले संयुक्त रुपमा  (कदर पत्रद्वारा) सम्मान ग्रहण गरेकी थिइन् ।  उनले  हालै सम्पन्न भएको सनसाइन मिडिया एकेडेमी ओसीस मिस एण्ड मिस्टर तीज ग्राण्ड फिनालेमा पुग्न सफल भई मिस तीज २०८० मस्ट पपुलर र पब्लिक च्वाईस गरी दुई विद्यामा विजय हुँदै क्राउन पहिरिन सफल भएकी थिइन्।

जिल्ला कार्यसमिति बरिष्ठ उपाध्यक्ष एवं गायक कुमार लामा र अर्चना स्याङतान लगायतको अन्य कलाकारहरुको बेजोडको सांगीतिक प्रस्तुतिले कार्यक्रम थप आकर्षक बनेको थियो ।

राष्ट्रिय संगीतकर्मी संघ जिल्ला कार्यसमित्ति नुवाकोटका उपाध्यक्ष सन्दिप तामाङले सहजीकरण गरेको कार्यक्रम प्रथम उपाध्यक्ष उत्तम भण्डारीको स्वागत मन्तब्यबाट त्यसैगरी सांगठनिक संरचना बारेमा जिल्ला कार्यसमितिका महासचिव छिरिङ तामाङले प्रष्ट पार्दै कार्यक्रम ले औपचारिकता लिएको थियो।