युवराज पुन , पश्चिम नवलपरासी।

सुनवल नगरपालिकाद्वारा लम्फी स्किन बिरुद्द गाई भैसीलाई खोप लगाएको छ।

हालसालै गाई भैसिमा देखिएको महामारी लम्फी स्किन बिमारीले गर्दा सबै त्रसित छन् | बिमारी लागिसके पछी उपचार गर्नु भन्दा पहिले रोकथाम गर्दा राम्रो हुन्छ भन्ने उदेश्य साथ नेपाल सरकारको निर्देशन अनुसार सुनवल नगरपालिकाको पशुपन्छी शाखाबाट पहिलो चरणमा ८०० र दोस्रो चरणमा २६०० खोप वितरण भएको नगरपालिकाले जनाएको छ।

खोप लगाउनको लागि प्रत्येक वडामा वडामा प्राबिधिकहरु लाइ खटाएको छ | वडा न १,४,६ मा प्राबिधिक तुलसीराम ढकाल ,२ र ९ मा दुर्गा प्रसाद भुसाल ,७ र ८ मा विवेक गुरुङ ,७ र८ मा विशन थापा र १०,११,१२,१३ मा बिमल ढकाल खटाएको नगरपालिका
पशुपन्छी शाखाले बताएको छ।

प्राबिधिकहरुको टिमले आ आफ्ना वडाको प्रत्येक पशुपालकको गोठमा गएर लम्फी स्कीन बिरुद्दको खोप लगाइदिने गरेका छन् | शुक्रबार प्राबिधिक बिमल ढकाल को टिम ले वडा न १० र १ मा खोप लगाएको छ।