नुवाकोट ।        बिदुर नगरपालिका वडा नं १३  स्थित “कल्याणपुर स्वास्थ्य चौकी केन्द्र डेउडीमा” भदौ २९ गते शुक्रबारको दिन हुन गैरहेको एक दिने शिविरमा मोतिबिन्दु तथा आँखा सम्बन्धि रोगहरुको निशुल्क: परिक्षण र उपचार गर्न शिविर सञ्चालन हुने भएको छ।

आँखा प्रतिष्ठान गौशाला काठमाडौं, जिल्ला सामुदायिक आँखा केन्द्र नुवाकोट र नेपाल रेडक्रस सोसाईटी जिल्ला शाखा नुवाकोट शाखा नुवाकोटको संयुक्त आयोजनामा स्थानीय निकायको संयोजकत्वमा हुन गैरहेको कल्याणपुर स्वास्थ्य चौकी शाखाका प्रमुख इन्चार्ज सुवोध शाहद्वारा हस्ताक्षर एक सूचना मार्फत जानकारी गराएको हो।

उक्त शिविर संचालन बिहान १० बजेदेखि ४ बजेसम्म चल्ने र करिब ३०० जना आँखा रोगीहरुले निशुल्क: परामर्श गराउनुका साथै लाभान्वित हुने आँकलन गरिएको छ, त्यसैगरी  सल्याक्रिया गर्नुपर्ने बिरामीहरुको लागि सुलभ खर्चमा केन्द्रमा रिफर गराउने स्थानीय निकाय र आयोजकको तयारी रहेको छ  ।

स्थानीय निकाय तथा विदुर न.पा. १३ का वडा अध्यक्ष भरत बहादुर तामाङले यस मौकाको फाइदा उठाउन सम्पूर्ण आँखा रोगीहरु तथा उहाँहरुको परिवार समक्ष पुग्ने गरी सबैले यो सूचना प्रवाह गरिदिन साथै २९ गते समयमा नै स्वास्थ्य चौकीको नयाँ भवनमा उपस्थित भई निशुल्क सेवा लिन अनुरोध गरेका छन् ।