डि बी मगर ,दम्माम।
नेपाली महिलाहरूको महान चाड तीजको पावन अवसरमा शुभकामना आदानप्रदान गर्न गैर आवासीय नेपाली संघ साउदी अरबको समान्तर समितिले तिज तथा दर खाने पर्व भब्य र सभ्य रुपले सम्पन्न गरेको छ।

शुक्रबार साउदीको पुर्बी क्षेत्र दम्मामको होटल रोज गार्डेनमा आयोजित कार्यक्रममा संघका अध्यक्ष बलराम थापाको सभापतित्वमा र एनआरएनए समान्तर आईसिसीका सल्लाहकार धर्म केसीको प्रमुख आतिथ्यमा ,सक्रिय सामाजिक ,पारिवारिक तथा बैचारिक संघसंगठनका प्रतिनिधिहरु , विभिन्न जातीय संस्थामा आबद्ध प्रतिनिधिहरु लगायत नेपाली दाजुभाइ तथा दिदीबहिनीहरुको उल्लेखनिय उपस्तिथि रहेको थियो ।                                                                   

मीठो सेल रोटी र दर उपस्तिथि पाहुनाहरुलाई भोजन गराएको कार्यक्रममा विभिन्न संघसंगठनका प्रतिनिधिहरु लगायतले तीज विशेष शुभकामना तथा स्थानीय कलाकारहरुले विशेष नाचगान र गायनले भरोपुर मनोरञ्जन प्रदान गरिएको थियो। कार्यक्रममा “कमाउने पनि हो रमाउने पनि हो ” तीज गीतको प्रस्तुतिले तहल्का मच्चाएको थियो।

संघको संरक्षक अनुजा बुढाथोकीले सन्चालन गरिएको कार्यक्रममा फरक संस्कार रहेको साउदी अरबमा नेपाली संस्कारको पर्व तीजको अबसरमा साउदीमा रहनु भएका सम्पुर्ण चेलीहरु तथा दाजुभाइमा प्रमुख अतिथि केसीले शुभकामना ब्यक्त  गरे।

कार्यक्रममा कार्यक्रम सफल आयोजना गर्न विभिन्न सहयोग गर्नुहुने दाजुभाइ तथा दिदीबहिनी , संघसंगठन तथा कलाकारलाई सम्मान पत्र प्रदान गरिएको थियो। तीज पर्वको शुभकामना ब्यक्त गर्दै साउदीमा कार्यरत श्रमिकहरुको हकहितलागि आफू र आफ्नो संघले सदैब कार्य गर्न बताउदै सामाजिक कार्यमा केहि पुरातन सोचका ब्यक्तिहरुले निषेध गर्न खोजेको अध्यक्ष थापाले बताए ।

विशेषत: सनातन हिन्दु नारीहरुको महत्वपुर्ण दिन, धार्मिक, सभ्यता, आस्था र बिश्वास पवित्र सम्बन्धसंग प्रत्यक्ष जोडिए, र माईतिघर अनि चेलीहरुको मिलन गराउने एक महत्वपूर्ण चाडको रुपमा मानिदै आएको इतिहास हामीले पढ्ने सुन्ने गरेका छौं, व्याख्या गर्ने तरिका फरक-फरक भएपनी सम्क्षिप्तमा माता पार्वतीले शिवजी वरको रुपमा प्राप्त गरौँ भनी गरेको १०८ वर्षको तपस्याको याद दिलाउने गर्छ तसर्थ, महिला हरु तीजमा रातो रंगीबिरंगी साडी र चुरापोते अनि गरगहनाले छपक्क सिंगारिएर तीजका बरी लै भाकामा नाच्ने गाउने गरिन्छ, स्वच्छ भई आफ्नो हुने वाला जीवन साथी असल परोस भनेर अथवा आफ्नो श्रीमनको दिर्घायु र मनोकामना पुरा होस भनी व्रत बस्ने तीजको चलन रही आएको जनविश्वास छ यद्यपी अहिले समाजमा तीज आधुनिकीकरण भएर समाजमा तडकभडक गरी मनाउने विकृती पनि बढेको पाएको छ।