दम्माम,साउदी अरब।

साउदी अरेबियामा रहेका नेपाली चेलीहरुको समूह दिदिबहिनी समुहले हरितालिका (तीज) मनाउने भएको छ ।

स्थापना काल देखि तीज विशेष रंगिन उत्सब कार्यक्रम गर्दै आईरहेको दिदिबहिनी समुहले यो बर्ष आगामी शुक्रवार , ८ सेप्टेम्बर बिहान ११ बजेदेखि बेलुकी ६ बजेसम्म साउदीको पुर्बी क्षेत्र खोवारको अप्सरा (पुर्ब गल्फ दरवार) होटेलमा कार्यक्रम आयोजना गरिने लागेको तथा कार्यक्रमको पुर्व तयारी पूरा भएको समुहकी अध्यक्ष तुलसी माया गुरुङले जानकारी दिए।                                                         

कार्यक्रमको लागि साउदीमा सक्रिय संघसंगठनलाई पत्रचार गरिसकेको ,कुनै कारण पत्र नपाएको भए यसै समाचारलाई आधार मानेर उपस्थित हुन सम्पुर्ण दाजुभाई तथा दिदीबहिनीहरुमा अध्यक्ष गुरुङले आग्रह गरेकी छिन्।

साउदीमा नारी सशक्तीकरण र नेपाली संस्कृतिको संरक्षणका लागि सञ्चालन हुने समारोहमा तीज गीत, नृत्य प्रस्तुत गरिनेको आयोजकले जनाएको छ।

विशेष हिन्दु महिला मात्र मनाईने तीज साउदीमा सम्पुर्ण धर्मावलम्बी महिला लगायत दाजुभाइ तथा दिदिबहिनी मनाएर धार्मिक सद्भावको उच्च नमुना दिदै आईरहेको छ।

उक्त दिन साउदीको राजधानी शहर रियादमा पारिवारिक समाज साउदीले र पुर्बी क्षेत्र दम्मामको रोज गार्डेन होटेलमा गैर आवासीय नेपाली संघ (एनआरएनए) समान्तर समिति साउदी अरबले सँगै नाच्दै गाउदै मनाइने तिज तथा दर खाने कार्यक्रम आयोजना गरेको छ।सस्कृति अनि मौलिकता बोकेको नेपाली पर्व हरीतालिका तिज २०८० को शुभअवसरमा स्थानीय कलाकारहरुका साथमा नाच्दै गाँउदै रमाउदै दर खाने कार्यक्रममा सहभागीताको लागि आयोजकको तर्फबाट अनुजा बुढाथोकीले सम्पूर्ण दाजुभाइ तथा दिदिबहिनीहरुलाई अनुरोध गरेकी छिन्।