नुवाकोट ।
जिल्लाको विदुर नगरपालिका वडा नं १३ घर भई हाल काठमाण्डौ बाटै उच्च शिक्षा  लिएका २५ वर्षीय राजकुमार कार्की यहि सेप्टेम्बर २ र ३ मा थाईल्याण्डमा हुन गईरहेको “Asia Cup of Road Race 2023” को प्रतियोगितामा सिंगो नेपाललाई प्रतिनिधित्व गर्दै काठमाडौंका आषिक लामा समेत गरी दुईजना भोलि थाईल्याण्ड उड्न लागेको हो।

यसै अवसरमा आज कार्कीलाई बिदुर वडा नम्बर १३ को कार्यालयको आयोजनामा तथा बागेश्वरी प्रगतिशिल युवा क्लबको सह-आयोजनामा वडाको कार्यकक्षमा बिदाई तथा शुभकामना कार्यक्रम आयोजना गरी उनका परिवारजन, शुभचिन्तक, साथीहरु, वडा कार्यालय परिवार, क्लब परिवारले खदा,ओडाई केक काटेर शुभकामना दिएका थिए यसै विचमा विदुर नगरपालिका कार्यालयले समेत खदा ओडाई नुवाकोट देखि काठमाडौं हुँदै थाईल्याण्ड सम्मको यात्रा सफलताको र रेसमा बिजेता भएर नुवाकोट र समग्र नेपालको नाम उच्च राख्न सकोस् भन्दै अग्रीम शुभकामना दिदै नगर प्रमुख राजन श्रेष्ठले खेलकुदका लागि नगरले विगतमा पनि सहयोग गर्दै आईरहेको र कार्की लाई पनि सहयोग गर्ने आश्वासन समेत दिएका छन् ।

स्थानीय सरकारको तर्फबाट बिदुर वडा नं १३ ले यस्तो सहासिक र गौरव कार्यको लागि उनको प्रतिभा, कलाको सम्मान गर्दै खर्च स्वरूप रु,४० हजार रुपैयाँको चेक वडा अध्यक्ष भरत ब तामाङले हस्तान्तरण गरेको छ। उक्त चेक ग्रहण गर्दै राईडर कार्कीले सो रकम आफुले त्यहाँका स्थानीय अन्य खेलका खेलाडी भाई बहिनीहरुका लागि अति आवश्यक खेलकुदका सामाग्रीहरु खरिद गर्न खेलकुदलाई प्रवर्द्धन तथा प्रोत्साहित गर्न बागेश्वरी प्रगतिशील युवा क्लबको समन्वयमा आफुले सहयोग गर्ने उद्घोष समेत गरेका छन् ।

विगत १ दशकदेखि नेपालमा हुने मोटरसाइकल रेसिङ प्रतियोगितामा निरन्तर सहभागी भई थुप्रै पटक विजयी पनि हुँदै आईरहेको कार्कीले गत वर्ष सम्पन्न भएको “Nepal Road Racing Championship 2022” मा प्रथम हुँदै राष्ट्रिय खेलहरुमा लगातार नौ पटक प्रथम भई अन्य केहि खेलहरुमा दृतिय र तृतीय स्थान हासिल गर्दै छुट्टै पहिचान बनाई सकेका कार्कीले आफ्नो अफिसियल युट्युब च्यानल@rajkumarkarki46 मा समेत रेसका भिडियोहरु अपलोड गर्ने गरेका छन् ।

यस प्रतियोगितामा Asia का अधिकांस देशका खेलाडीहरुको वृहत सहभागिता हुने खेलमा नेपाललाई प्रतिनिधत्व गरेर जान पाउँदा हर्षित छु आफुले उत्कृस्ट खेल प्रदर्शन गरि राष्ट्रको नाम रच्ने सपना बोकेर जान लागेकोले यस किसिमको शुभकामनाले अझै हौसला मिलेको बताएका छन् ।