बाँके: बैजनाथ २ निवासी हाल कोहलपुर २ बस्दै आएका भिम बिश्वकर्माले आफ्नो जन्मोत्सवको अवसरमा बैजनाथ गाउँपालिका कार्यवाहक अध्यक्ष निर्मला रोकायको प्रमुख आतिथ्यमा सुन्दर आधारभुत बिद्यालयमा पुगेर शैक्षिक सामाग्री हस्तान्तरण सँगै अति बिपन्न जेहेन्दार विद्यार्थीहरुलाई हरेक बर्ष शैक्षिक सामाग्री हस्तान्तरण गर्ने उदेश्यका साथ गत सोमबार सुन्दर आधारभुत विद्यालयको कार्यालयमा भिम बिश्वकर्माको धर्मपत्नी मिना बिश्वकर्माले रु ५० हजार बराबरको “काशिराम स्मृति शैक्षिक कोष” स्थापना गर्नुभएको छ।
बैजनाथ गाउँपालिका २ निवासी भिम विश्वकर्मा वैदेशिक रोजगारीका लागी साउदी अरबलाई कर्मथलो बनाउंदै आएको करिब ९-१० बर्ष भयो। एउटा युवा मिजासिलो स्वभावका धनि उनि साहित्य लेख्नीमा पनि उतिकै रुचि राख्दछन । हालै सम्पन्न अधिवेशन पछि साहित्य चौतारी साउदी शाखाका अध्यक्ष पनि हुन्।
भिम विश्वकर्माको जन्मदिनको हो जो कोहिलाई पनि लाग्न सक्छ जन्मदिन भन्ने बित्तिकै कुनै ठुलो होटेल रेस्टुरेन्टमा साथि भाईसँग जमघट गरेर बिलासिताका साथ जन्मदिन मनाउने कुनै नयाँ चलन भने हैन।

बैजनाथ गाउँपालिका २ का युवा भिम विश्वकर्माले आफ्नो जन्मदिन अलि फरक तरिकाले मनाएका छन् ।उनले आफुले सानोमा अध्ययन गरेको बैजनाथ ५ छमनियाको सुन्दर आधारभुत बिद्यालयका बिपन्न पिछडिएका जेहेन्दार विद्यार्थीलाई शैक्षिक सामाग्री उपलब्ध गराउनुका साथै आफ्ना स्वर्गीय बुवा काशीराम विश्वकर्माको सम्झनामा रु ५० हजार बराबरको “काशीराम स्मृति शैक्षिक अक्षकोष”को स्थापना गर्नुभएको छ ।
हाल कुल २ सय २० विद्यार्थी रहेको सुन्दर आधारभुत बिद्यालयका प्रधानाध्यापक शान्ति खड्काले यसरी आफुले मेहनत गरेको रकम यसरी आफुले अध्ययन गरेको बिद्यालयमा शैक्षिक सामाग्री सहित बैजनाथको शिक्षामा टेवा पुग्नेगरी जन्मदिनको अवसरमा शैक्षिक अक्षकोष स्थापना गरेकोमा हार्दिक बधाई एवं शुभकामना दिनुका साथै सहयोगी मनहरुलाई विशेष धन्यवाद ब्यक्त गर्दै सुन्दर आधारभुत बिद्यालयका पुर्ब विद्यार्थी भिम विश्वकर्माको सम्झनामा अझै आफ्नो बालापन अध्ययन गरेको बिद्यालयमा यसरी सहयोग गरेकोमा बिद्यालयको तर्फबाट र ब्यक्तिगत तर्फबाट हार्दिक आभार ब्यक्त गर्दै आगामी दिनहरुमा समेत निरन्तर सहयोग गरिरहन अनुरोध गर्नुभएको छ।
बैजनाथ ३ स्थित रहेको संबिधान सभा आधारभुत बिद्यालयमा आमा बुवा नभएका बालबालिकाहरु बस्दै आएको सभ्यताको घर बालआश्रममा बस्दै आएका १२ जना बालबालिकाहरुको लागी रु २५ हजार बराबरको खाद्यान्न र स्टेशनरी भिम विश्वकर्माको आमा कौशिला बिश्वकर्मा र श्रीमती मिना बिश्वकर्मा बैजनाथ गाउँपालिका कार्यवाहक अध्यक्ष निर्मला रोकाय सामाजिक बिकाश समिति संयोजक भुमिसरा राना ईलाका प्रहरी कार्यालय नौवस्ता प्रमुख प्रताब के सि लगाएतको उपस्थितिमा उक्त खाद्यान्न एवं शैक्षिक सामाग्री सभ्यताको घर लाई हस्तान्तरण गरीएको छ।

प्रमुख अतिथि रोकायले जन्मदिनको अवसरमा गरेको उदाहरनिय कार्यको प्रशंसा गर्दै महङ्गा होटेल रेस्टुरेन्टमा गएर खर्च गर्नुभन्दा यसरी खाद्यान्न शैक्षिक सामाग्री हस्तान्तरण सहित शैक्षिक कोष स्थापना गरेकोमा भिम बिश्वकर्मालाई बिशेष धन्यवाद ब्यक्त गर्नुभएको छ।
सामाजिक बिकाश समिति संयोजक रानाले सर्बप्रथम सहयोग गर्ने महान ब्यक्तिको संज्ञा दिदै अन्य कोरिया अमेरिका क्यानडा खाडि मुलुक भनेर अन्तर गर्नेहरुको लागी शैक्षिक सामाग्री सहयोग सहित ५० हजार राशिको शैक्षिक कोष स्थापना गरेकोमा बिश्वकर्मा परिवारलाई विशेष धन्यवाद ब्यक्त गर्दै जन्मदिनको शुभकामना ब्यक्त गर्नुभएको छ।
आगामी दिनहरुमा सभ्यताको घर लाई स्थानीय सरकारले नै सम्पुर्ण ब्यवस्थापन गर्नेगरी काम अगाडि बढेको यसरी संचालन गर्दा विभिन्न समस्याहरु आउने गरेकोले निरन्तरता र बालबालिकाहरुको अधिकार प्राप्तिको लागी स्थानीय बैजनाथ गाउँपालिकाले योजना बनाएको वडा अध्यक्ष निखिल बैगारले बताउनुभयो ।
अन्तमा आफु वैदेशिक रोजगारीमा भएपनि आगामी दिनहरुमा समेत निरन्तर यसरी नै जेहन्दार अपांग अती बिपन्न दलित विद्यार्थी जो शिक्षा लिन बाट बन्चित नहुन भन्ने उदेश्यका साथ स्वर्गीय बुवा काशीराम विश्वकर्माको नाममा “काशिराम स्मृति शैक्षिक अक्षकोष”को स्थापना गरीएको भिम विश्वकर्माले बताउदै बिगत देखिनै आफ्नो स्वर्गीय बुवाको नाममा केहि समाजलाई योगदान गरौं भन्ने सोच बनाएको थिए त्यो आज पुरा भएको र आगामी दिनहरुमा निरन्तर प्रत्येक बर्ष अक्षकोष बाट प्राप्त रकम बराबरको शैक्षिक सामाग्री बितरण गर्ने प्रतिबद्धता ब्यक्त गर्नुभयो । बिश्वकर्मा साउदीअरबको प्रतिष्ठित कम्पनिमा कार्यरत छ्न्।