नुवाकोट ।
बिदुर नगरपालिका वडा १ को साविक भैरबी गा.बि.स. वडा नं १ सिमुटार बस्तीमा बनेका अनाधीकृत घर टहरा संरचनाहरु नगरले हटाउन पटकपटक सूचना जारी गर्दा समेत अटेरी गरेपछि अन्तिम मिति आजसम्म नहटाएमा भोलि नगरले हटाईने हिजो प्रकाशित गरिएको सूचनामा उल्लेख गरिएको छ ।

नगरपालीकाले जारी गरेको सूचना अनुसार विनपा वडा नं.१ (साविक भैरबी गा.वि.स.वडा नं.१) मा रहेको कि.नं.५० क्षेत्रफल १४२-१०-३-२ को जग्गा प्राविधि शिक्षा तथा व्यवसायिक तालिम परिषदको आङ्गिक पोष्ट बहादुर बोगटी बहुप्राविधिक शिक्षालय नुवाकोटलाई भाडा (लिज) मा उपलव्ध गराउने भनी नेपाल सरकार मन्त्रिपरिषदवाट मिति २०७९/०५/२७ मा निर्णय भएको हुंदा सो कार्यान्वयनको लागि मिति २०८०/०१/१६ गते जिल्ला समन्वय प्रमुखको अध्यक्षतामा वसेको सर्वदलिय वैठकको निर्णय अनुसार स्वीकृत भएका जग्गामा वनेको संरचना (घर,टहरा तथा अन्य) खाली गराउन मिति २०८०/०१/२७ मा ३५ दिने सार्वजनिक सूचना र मिति २०८०/०३/१८ मा ७ दिने सूचना प्रकाशन भएकोमा कतिपय घर टहरा र संरचना नहटाईएको हुंदा २०८०/०५/०८ गते सम्ममा सवै संरचना हटाउन र तोकिएको समय भित्रमा संरचना नहटाएमा २०८० भाद्र ९ गते बिदुर नगरपालिकावाट उक्त्त संरचना (घर,टहरा तथा अन्य) हटाईने जानकारी गराएको छ ।

नगरपालिकाले उक्त स्थानको संरचना हटाउन पटकपटक सूचना जारि गर्दै दबाब दिएपनी बस्तीवालाहरुले  भने सूचनाको अवज्ञा गर्दै आफुहरु लाई अन्याय गरेको भन्दै आक्रोश पोख्दै बर्खाको बेलामा हामि कहाँ बस्न जाने ? भन्दै प्रश्न समेत गरेका छन ।