दम्माम,साउदी अरब।
नेपाल आदिवासी जनजाति महासंघ (नेफिन), राष्ट्रिय समन्वय परिषद, साउदी अरबको पाचौं राष्ट्रिय महाधिवेशनको तयारी पूरा भएको छ।
साउदीको पुर्बी क्षेत्र दम्मामको सफ्वाको सादी रिसोर्टमा आगामी अगस्ट १८ तारिख शुक्रबार आयोजना हुने कार्यक्रममा दम्मामको सिको गार्डेनबाट यातायातको सुबिधा रहेको छ।

आदिवासी जनजाती महासंघ साउदीको अध्यक्ष खेम गुरुङको अनुसार शुक्रबार बिहान १०:४५ बजे पहिलो र अन्तिम ११:३० बजे दम्मामको सिको गार्डेनबाट कार्यक्रम स्थल सम्म बसको ब्यबस्था रहेको जानकारी दिए।

“आत्मनिर्णयको अधिकारका लागि परिवर्तनका सम्वाहक युवा”  भन्ने मुल नाराका साथ “२९ औं विश्व आदिवासी दिवस” एवम् पाचौं राष्ट्रिय महाधिवेशनको आयोजना हुने भएको छ। कार्यक्रममा विभिन्न नेपाली मौलिक संस्कार, संस्कृति  झल्किने सांस्कृतिक कार्यकमका साथ पाचौं राष्ट्रिय महाधिवेशन आयोजना गरिने कार्यतालिका तयार गरिएको छ।

कार्यक्रमको सम्पुर्ण अन्तिम तयारीको लागि नेफिन साउदी अरबका सम्पुर्ण पदाधिकारी सम्मिलित छलफल कार्यक्रम समेत गरेको जसमा सम्मेलन लाई सफलतापूर्वक सम्पन्न गर्न आवश्यक सहयोगका लागि नेफिनले सम्बन्धित सबैमा अनुरोध समेत गरेका छन् ।
वैदेशिक रोजगारमा नेपालीहरु विभिन्न देशमा जाने गर्छन् त्यहाँ  सुखदुःख मा साथ सहयोग गर्ने र पिडामा मलम पट्टी लगाउने सकारात्मक कार्यमा पनि नेपाली नै अग्रसर हुने गरेका छन् । त्यसैले जहाँ रहेता पनि सबैको मनमा यो नेपाली र नेपाल आमाको भाव रहिरहन्छ। त्यसका लागि एकतामा एक ढिक्का हुन जरुरी रहेको छ।                                      महासंघमा तमु धि शाखा साउदी अरब, नेपाल मगर संघ साउदी अरब, नेपाल तामाङ घेदुङ साउदी, किरात राई यायोक्खा साउदी, युवा कुमाल संघ साउदी, किरात याक्थुङ चुम्लुङ साउदी र नेवा: समाज साउदी अरब आबद्ध रहेका छन् ।