दोहा कतार।

सन् २०१८ मा कतारमा स्थापित भएको संस्था नेपाल तामाङ घेदुङ प्रवास कार्यसमिति कतारको तेस्रो अधिवेशन आगामी २०२३ सेप्टेम्बर १ तारिख शुक्रबारको दिन संघिय अध्यक्ष मोहन गोले तामाङको प्रमुख आतिथ्यतामा हुने भएको छ ।

प्रवासमा कार्यरत रहेर पनि स्थापना कालदेखि नै आफ्नो समुदायको भाषा, धर्म, लिपि, भेष भुषा, कला संस्कार, संस्कृतिको जगेर्ना गर्दै देश, तथा परदेशमा दुख पर्दा विपत्तिको बेलामा मानवीय साथ सहयोग गरी सहकार्य गर्दै प्रवासमा छुट्टै पहिचान बनाई सकेको एक मात्र राष्ट्रिय संस्था नेपाल तामाङ घेदुङकाे पहिलाे प्रवास शाखा नेपाल तामाङ घेदुङ, प्रवास कार्यसमिति कतारकाे तेस्राे ऐतिहासिक अधिवेशन- २०२३, नेपाल तामाङ घेदुङकाे संघीय अध्यक्ष माेहन गाेले तामाङकाे प्रमुख आतिथ्यतामा बृहत रुपमा सम्पन्न पार्नको निम्त पुर्व तयारीमा कार्यसमिति व्यस्त रहेको संस्थाका महासचिव विकाश लामाले जानकारी गराए ।

उल्लेखित निम्न मिति ,समय र स्थान हुन गईरहेकाे जानकारी गराउदै महासचिव लामा र अध्यक्ष इन्द्र बहादुर तामाङले दाेहा कतारमा स्थापित विभिन्न वैचारिक, जातीय , साहित्यक, जिल्ला संस्थाका प्रमुख, तथा प्रतिनिधिहरु, कलाकार , पत्रकार, समाजसेवी तथा बुद्धिजीवी बर्ग, घेदुङका आम आजीवन सदस्यहरु, शुभेच्छुक तथा शुभचिन्तकहरुलाई उक्त दिन कार्यक्रममा उपस्थितिका लागि हार्दिक अनुरोध गरेका छन् ।

तपशिल:
मिति: १ सेप्टेम्बर २०२३( शुक्रबार)
समय : बिहान १०:०० देखि
स्थान : फुलबारी रेष्टुरेन्ट अलअतिया ,सनैया।