नवलपुर, सिन्धुपाल्चोक।
सिन्धुपाल्चोक जिल्लाको ईन्द्रावती गाउँपालिकाले आईतवार ७८ करोड ४६ लाख ६७ हजारको वजेट प्रस्तुत गरेको छ ।
संवैधानिक ब्यवस्था अनुरुप स्थानीय सरकारले असार १० सम्ममा आफ्नो आगामी वर्षको नीति, कार्यक्रम र वजेट प्रस्तुत गर्नुपर्ने प्रावधान छ । प्रावधान अनुरुप नै स्थानीय सरकारले आफ्नो नीति, कार्यक्रम र वजेट प्रस्तुत गरेका छन् ।

आईतवार ईन्द्रावती गाउँपालिकाको उपाध्यक्ष शोभाना तामाङले वजेट प्रस्तुत गर्नुभएको हो । शिक्षा, स्वास्थ्य तथा सामाजिक विकासका कार्यक्रमलाई प्राथमिकतामा राखेर निर्माण गरी प्रस्तुत गरिएको ईन्द्रावती गाउँपालिकाको आर्थिक वर्ष ०८०/०८१ को वजेट सँगै आर्थिक विधेयक, पालिका गान, विनियोजन विधेयक समेत गाउँसभाबाट पारित भएको पालिका प्रमुख झम्क नेपालले जानकारि दिनुभयो ।

त्यस्तै कार्यलयको समग्र प्रगती प्रतिवेदन, कार्यपालिका बैठकबाट भएका निर्णयहरु पनि आजको गाउँ सभाले स्विकृत गरेको छ । गाउँसभाले इन्द्रावती गान पनि स्विकृत गरेको छ । गाउँपालिका प्रवक्ता एवम् वडा नम्बर ५ का अध्यक्ष शशिनाथ आचार्यले रचना गर्नुभएको इन्द्रावती गानलाई रचनाकार आचार्यले सभामा गाएर समेत सुनाउनुभएको थियो ।

साथै बिनियोजन बिद्येक २०८० पनि सभामा पेश भएको छ । उक्त बिद्येक माथी यसै महिना भित्रै कार्यपालिका बैठक बसेर छलफल गरी टुङ्ग्याउने गाउँपालिका अध्यक्ष झम्कनाथ नेपालले जानकारी दिनुभयो ।सभामा गाउँ पालिकाका उपाध्यक्ष सोभना तामाङले बजेट मन्तव्य प्रस्तुत गर्नुभएको थियो । उहाँले गाउँपालिकाको आर्थिक बर्ष २०८०÷८१ को लागि कूल ७८ करोड ४६ लाख ६७ हजार बजेट सार्वजनिक गर्नुभएको छ । जसमा चालु बजेट १९ करोड ३८ लाख ५५ हजार र पुजिगत बजेट ५९ करोड ०८ लाख १२ हजार रहेको छ ।