बिबश रसाइली
दाङ ।
पश्चिम दाङको दङ्गीशरण गाउँपालिका वडा नं. १ को नवनिर्मित वडा भवन तथा आधारभुत स्वास्थ्य सेवा केन्द्र भवनको उद्घाटन गरीएको छ । आज एक औपचारीक कार्यक्रमकाविच वडा अध्यक्ष रमेश भण्डारीको सभापतित्व, तथा गाउँपालिका अध्यक्ष सम्भु गिरीको प्रमुख आथित्यता, गाउँपालिका उपाध्यक्ष पिमा वली खड्का र जग्गा धनी बिष्णुमणि उपाध्यायको विशिष्ट आथित्यतामा २ वटा भवनको उद्घाटन गरीएको हो ।

नवनिर्मित भवन उद्घाटन भए सङ्गै वडाका हरेक काम कुरा गर्न र जनतालाई सेवा प्रवाह गर्न निकै सहज हुने अपेक्षा लिएको वडा अध्यक्ष रमेश भण्डारीले बताउनुभयो । वडा कार्यालयको भवन र आधारभुत स्वास्थ्य केन्द्रको भवन निर्माण गर्न सहयोग गर्ने र जग्गा दाताहरु प्रती धन्यवादका शब्दहरु प्रकट गर्नुभयो । आफु जनताको सेवाको लागी आएको बताउदै आफ्नो वडाका नागरिकको खुसी,र सहज सेवा सुविधाका लागी आफु कटिबद्ध रहेको बताउनुभयो ।

भवन उद्घाटन समारोहम बोल्दै गाउँपालिका अध्यक्ष गिरीले सुबिधा सम्पन्न भवन बाट त्यहाँका बिपन्न,दलित बस्तीहरको आवाजलाइ समेटी समानुपातिक तवरले सेवा प्रवाह गरी जनताको सुख अनि दुःख समेट्न सुझाव दिनुभयो ।गिरीले आफु चुनावी प्रतीबद्द्ता अनुरुप अगाडी बढिरहेको र भौतिक विकास सङ्गै मानविय विकासलाई पनि महत्वका साथ अगाडी बढाएको बताउनुभयो ।

यस्तै कार्यक्रममा बोल्दै पालिका उपाध्यक्ष पिमा वली खड्काले वडा कार्यालयको भवन निर्माणको लागी जग्गाको खोजी गरी उपयुक्त स्थानमा जग्गा दान गर्नुहुने गुरु बिष्णुमणि उपाध्याय र धर्मपत्नी मलिका देवी उपाध्याय प्रती धन्यवाद का शब्दहरु प्रकट गर्नुभयो ।जग्गाधनी बिष्णुमणि दहालले आफु बोलि भन्दा कर्ममा विश्वास गर्ने ब्यक्ती भएकाले कामलाई प्राथमिकतामा राखी अगाडी बढ्न सुझाब दिनुभयो ।
उद्घाटन समारोहमा समाजका लागी खुल्ला हृदयका साथ भुमि दान गर्नुहुने बिष्णुमणि दहाल र उहाँकी धर्मपत्नीलाइ सम्मान पत्र र दोसल्लाले सम्मान गरीएको थियो ।

कार्यक्रममा आधारभुत स्वास्थ्य सेवा केन्द्र दङ्गीशरण – १ का स्वास्थ्य संस्था प्रमुख दामोदर शर्मा, वडा नम्बर , १ का पुर्व वडा अध्यक्ष श्रीप्रसाद चौधरी,साबिक गोल्टाकुरी गाविसका पुर्व अध्यक्ष यज्ञ बहादुर बिस्ट वडा नम्बर , २ का वडा अध्यक्ष डम्बर खत्री,वडा नम्बर , ३ का वडा अध्यक्ष शुक्लाल चौधरी,वडा नम्बर , ५ का वडा अध्यक्ष निरज बस्नेत ,वडा नम्बर , ६ का अध्यक्ष रोशण जंग शाह,प्रशासकिय प्रमुख अधिकृत बिनोद अधिकारीले आ- आफ्ना शुभकामना मन्तव्य राख्नुभएकोथियो। भने वडा नम्बर – १ का सचिब मन बहादुर खड्काको स्वागत मन्तव्यबाट शुरुभएको कार्यक्रमको सहजीकरण दङ्गीशरण गाउँपालिकाका प्रेश संयोजक प्रमोद आचार्यले गर्नुभएको थियो।