दम्माम। साउदी अरबमा नेपाली श्रमिकहरुको बाक्लो उपस्थित रहेको पुर्बी क्षेत्र दम्माममा ने रु १ लाख ७८ हजार राशि पुरस्कार भएको खुल्ला नेपाली भलिबल प्रतियोगिता आयोजना हुने भएको छ।

मुस्लिम धर्मलम्बिहरुको महान चाँड (बक्र ईद) को पावन अबसरमा समरानी स्पोर्ट्स क्लबले अन्तर नेपाली खुल्ला भलिबल प्रतियोगिता आयोजना गर्न लागिएको हो।

प्रतियोगिता तामिमी नयाँ केम्प सेकेन्ड सनैया दम्माममा आगामी जुन २७-२८ गते साझ ७ बजे देखि खेल शुरु हुने र सहभागी हुन टिम दर्ता शुल्कः ३५० साउदी रियाल लाग्ने खेल संयोजक हिक्मत गुरुङले जानकारी दिए।

प्रतियोगिताको प्रथम पुरस्कर करिब ने रु १ लाख ७८ हजार (५१११ साउदी रियाल) , द्वितीय पुरस्कर करिब ने रु १ लाख ८ हजार (३१११ साउदी रियाल) र तृतिय पुरस्कार ने रु करिब ५२ हजार ( १५११ साउदी रियाल ) र शिल्ड मेडल + प्रमाण पत्र रहेका छन् ।

पछिल्लो पटक साउदीमा कार्यरत नेपालीहरुले भलिबल ,फुटबल प्रतियोगिता आयोजना गरि सामाजिक उत्तरदायीत्व निर्वाह गर्दै आईरहेको छ।