सर्वाधिक धनराशिको ‘अध्यक्ष कप पुरुष भलिबल प्रतियोगिता’ म्यागङको सामरीमा
- रामचन्द्र तिम्सिना
- ६ बैशाख, २०८० १३:३०
- 108 Views
नुवाकोट/
जिल्लामा म्यागङ गाँउपालिकाको आयोजनामा ‘अन्तर पालिकास्तरीय प्रथम म्यागङ अध्यक्ष कप पुरुष भलिबल प्रतियोगिता’ हुने भएको छ ।
बैशाख ८ गतेदेखि १२ गतेसम्म सामरी स्थित जाल्पादेवी मन्दिर खेल मैदानमा “गाँउपालिका अध्यक्ष पालिकास्तरीय पुरुष भलिबल प्रतियोगिता” हुन लागेको हो।
उक्त प्रतियोगितामा प्रथम हुने समूहलाई २ लाख रुपैयाँ, दोश्रो हुने समूहलाई एक लाख रुपैयाँ र तेश्रो हुने समूहलाई ५० हजार रुपैयाँ पुरस्कार सहित शिल्ड, मेडल र प्रमाणपत्र प्रदान गरिने भएको छ ।
म्यागङ गाउँपालिकाले ‘खेल क्षेत्रको विकास सहित जिल्लामा भलिबल खेल र खेलाडीको उत्पादन, प्रबद्र्धन तथा विस्तारको लागी ‘ यस वर्षदेखि जिल्लाकै अहिलेसम्मकै सबैभन्दा धेरै नगद रुपैयाँ पुरस्कार रहेको प्रतियोगिता सञ्चालनमा ल्याइएको हो।
प्रतियोगिताको लागी नुवाकोटमा रहेका स्थानीयतहलाई टिम दर्ता गराउनको लागी आह्वान गरिएको छ ।टिम दर्ताको लागी पालिका भन्दा बाहिरका ३ जना खेलाडी समेतलाई समावेश गराउन पाउने खेलको नियम बनाइएको म्यागङ गाँउपालिकाले जनाएको छ।
नुवाकोटमा यसअघि तादी गाँउपालिकाको आयोजनामा पहिलो हुनेलाई १ लाख ५० हजार पुरस्कार राशी रहेको ‘नुवाकोट जिल्ला अन्तर पालिकास्तरीय प्रथम तादी अध्यक्ष कप भलिबल प्रतियोगिता’ भएसगैं त्यो भन्दा ठूलो पुरस्कार राशीको प्रतियोगिता म्यागङ गाँउपालिकाले सञ्चालन गर्न लागेको हो ।