काठमाडौं ।
१५ बर्ष देखि साउदीमा बेपत्ता मोरङ पथरी सनिश्चरे-३ का शुकराज तामाङलाई खोजी गरिदिन परिवारले सबैसँग अपिल गरेका छन् । उनी गएदेखि परिवारको सम्पर्कमा छैन।

तामाङको छोरी सम्झना तामाङले आफ्ना बुबाका खोजी गरिदिन साउदीस्थित नेपाली दुतावास, गैरआवासीय नेपाली संघ,सक्रिय संघसंगठन ,नेपाली दाजुभाइहरुलाई अपिल गरेका छन् । उनले यसअघि परराष्ट्र, श्रम तथा वैदेशिक रोजगार बिभागलाई अनुरोध गरेका थिए।

तामाङ काठमाडौंस्थित जुपिटर ओभर्सिज मार्फत Bader Ibrahim Al-Hajri Est. for Cont. मा मिती २०६५ भाद्र १७ गतेका दिन साउदी आएको र परिवार सोहीको सालको मंसिर महिनाबाट सम्पर्क बिहिन भएको छोरी सम्झनाले बताएको मोरङ सुनसरी समाज साउदी अरबका अध्यक्ष सुजन शेर राईले जानकारी दिए।

वैदेशिक रोजगारी सिलसिलामा हाल ग्रीसमा कार्यरत सम्झानाले समाजको अध्यक्ष राईलाई सम्पर्क गरि आबस्यक कागजात उपलब्ध गराई आफ्ना बुवाको खोजीमा गर्न आग्रह गरेका छिन् ।

समाजले साउदी स्थित नेपाली राजदूतावास, रियाद ,राजनीतिक दलका भातृ संगठनहरु, कृयाशिल संघ सस्थाहरु,सामाजिक अभियान्ताहरु,बुद्दिजिबी बर्ग, ब्याबसायी तथा सचेत नेपाली दिदिबहिनी तथा दाजुभाई
तामाङको खोजी गरिदिन सार्वजनिक अपिल गरेका छन् ।

१५ बर्ष वित्तापनि कुनै खवर नआएपछि तामाङ परिवार चिन्तामा डुवेका छन् ।

पछिल्लो समय मानसिक लगायत विभिन्न कारणले साउदीमा नेपालीहरु बेपत्ता हुने गरेको पाएको छ।