छैटौं खुल्ला नकआउट काप तारकेश्वर १ दाङ्सिङमा
- पिटि अनलाईन न्यूज
- ७ चैत्र, २०७९ ०८:३५
- 179 Views
नुवाकोट ।
जिल्लाको तारकेश्वर-१ सिर्जनाशिल युवा क्लवद्वारा छैठौं खुल्ला नकआउट कप फुटबल प्रतियोगिता हुने भएको छ।
नव वर्ष २०८० सालको अवसरमा हर्ष उल्लासका साथ दाङ्सिङ जब्बरे चौर मा वैशाख १ गते प्रतियोगिता उद्घाटन हुने भएको हो।
क्लबले विभिन्न चरण गरी छैठौं खुल्ला नकआउट कप फुटबल प्रतियोगिता आयोजना गर्न लागिएको हो । कार्यक्रमलाई विगतमा भन्दा फरक र व्यवस्थित तरिकाले संचालन गर्न लागिएको क्लबका उपाध्यक्ष रोनिस तामाङले बताए ।
प्रतियोगितामा विजेताले प्रथम पुरस्कार रु ३०,३३३ रहेको उक्त प्रतियोगितामा उपबिजेताले रु १५,३३३ ट्रफी मेडल र प्रमाणपत्र पाउने भएका छन् । भने टिम दर्ता शुल्क ४,००० हजार तोखिएको छ। प्रतियोगितामा उत्कृष्ट खेलाडी, उत्कृष्ट गोल रक्षक र उच्च गोलकर्ता खेलाडी लाई विशेष पुरस्कारको व्यवस्था समेत गरिएको आयोजकले जनाएको छ । साथै महिला खेलाडीहरु लाई समेत समावेश गरिने भएको छ।
प्रतियोगितामा भाग लिएका खेलाडीले अनिवार्य रुपमा जर्सी लगाउनुपर्ने र खेलमा रेफ्रीको निर्णय नै अन्तिम निर्णय हुनेछ । साथै प्रत्येक खेलाडीको राहदानी साइजको फोटो अनिवार्य चाइने आयोजक समितिले जनाएको छ।