७ औं नुवाकोट महोत्सवमा रमेश राज भट्टराईको क्रेज
- पिटि अनलाईन न्यूज
- ८ फाल्गुन, २०७९ ००:१५
- 158 Views
नुवाकोट।
“धार्मिक ऎतिहासिक कला संस्कृतिको सम्बर्द्धन, दिगो आर्थिक विकासको लागि व्यवसायिक प्रवर्द्धन “
भन्ने मुल उदेश्यका साथ जिल्लाको विदुर न.पा. ५ पिपलटार स्थित नुवाकोट उद्योग वाणिज्य संघद्वारा आयोजित ७ औं नुवाकोट महोत्वसको आज १० औं दिनको कार्यक्रममा चर्चित लोक तथा आधुनिक गायक रमेश राज भट्टराईले “बेहुली बनाउँछु भन्थी, बहुला बनाएर गई” भन्ने बोलको गीतको क्रेज ले माहोल निकैबेर तातिएको थियो।
संयोग भनौं वा आज राष्ट्रिय प्रजातन्त्र दिवसको बिदाको दिन भएर पनि होला अन्य दिनको तुलनात्मक हिसाबले दर्शक स्रोताहरुको भिड निकै खचाखच देख्न सकिन्थ्यो, गायक भट्टराई संगै, गायक उद्दब कार्की, गायिका पवित्रा गुरुङ, गायक शैलेश साही, लगायतका अन्य राष्ट्रिय तथा स्थानीय ख्यात्तिप्राप्त कलाकारहरुको गायन र नृत्य दुवै विधाको बेजोड प्रस्तुतिले दर्शक र अतिथिहरु, बृद्दहरु समेत नाच्न बाध्य बनाए।
कार्यक्रम स्थल प्रवेश मूलद्वारदेखि स्टेजसम्म ४ लाइनमा विभाजित गरिएको दोहोरो स्टल बजारमा बिशेष गरी स्वदेशमै उत्पादन गरिएका चिज वस्तु, लोकल ट्राउट माछा,अर्गानिक चिया,कफी,च्याउ,अचार,मह, बिभिन्न रैथाने खानाका परिकारहरु, नेपाली खुकुरी, बाँसुरी, मादल लगायत अन्य घरेलु औजारहरु, तामाङ, संग्राहलय, ढाकाको धाको बाट उत्पादित चोली,झोला अन्य पोषाकका सामाग्रीहरु साथै, मनमोहक चित्रकला , हस्तकला, आर्टस तस्विरहरुले कार्यक्रमको वास्तविक खासियत झल्किएको पाइन्छ।
कार्यक्रममा आयोजकले आकर्षक तथा उत्कृष्ट हस्त कला, चित्रकला साथै पृथ्वी सेकेण्डरी मावि लगायतका अन्य विद्यार्थीहरुलाई,अतिथि कलाकारहरुलाई, मायाको चिनो, सम्मान पत्र त्यसैगरी समाजसेवी व्यक्तिहरुलाई दोसल्ला ओडाई मायाको चिनोद्वारा सम्मान गरेका थिए।
कार्यक्रम नुवाकोट रेडियो चिम्टेश्वरका संचालक राकेश डंगोल ले कौशलता पुर्वक संचालन गरेका थिए ।