तारकेश्वर गा.पा.१ फलाटेमा सोनाम ल्होछार संस्कृतिक कार्यक्रम सम्पन्न ।
- पिटि अनलाईन न्यूज
- १९ माघ, २०७९ ११:१३
- 89 Views
नुवाकोट।
तारकेश्वर गा.पा.१ फलाटेमा मञ्जु श्री संवत २८५९ सोनाम ल्होछार संस्कृतिक कार्यक्रम भब्य रुपमा सम्पन्न भएको छ ।
तारकेश्वर गाँउपालिका १ फलाटे द्वारा आयोजना गरिएको २८५९ औं सोनाम ल्होसार बृहत संस्कृतिक कार्यक्रम कृष्ण बहादुर तामाङको सभापतित्वमा र पुर्व राज्य मन्त्री कृषि मन्त्री संविधान सभा सदस्य उपसभामुख तथा प्रदेश सदस्य राधिका तामाङको प्रमुख अतिथ्यमा कार्यक्रम सम्पन्न भएको थियो ।
अन्य अतिथिगनहरुमा नुवाकोट जिल्ला समन्वय समितिका प्रमुख राजेन्द्र विक्रम सिंह ठकुरी,तारकेश्वर गाँउ पालिका प्रमुख शिव अधिकारी, डा केदार नर्सिङ केसि, तारकेश्वर गाउँपालिका उपप्रमुख हरी प्रसाद रिमाल,वडा १ अध्यक्ष चक्र बहादुर तामाङ, नेपाल तामाङ घेदुङ संघका केन्द्रीय सविच जय मन तामाङ, म्हेन्दो माया तथा तामाङ सेलो गायक राम बहादुर लामा ( आर.बि. लामा) लिभिङ वाटर नेपालका विजय गुरुङ,नेपाल तामाङ घेदुङ केन्द्रीय सदस्य निर्मल तामाङ, माओवादी केन्द्र नुवाकोट तारकेश्वर १ गाउँपालिका अध्यक्ष सोमबहादुर तामाङ,नेपाली कांग्रेस क्षेत्रिय प्रतिनिधि सन्तलाल तामाङ,लिभिङ वाटर नेपालका संयोजक गणेश तामाङ ,तारकेश्वर गाउँपालिका १ वडा सदस्य विशु तामाङ ,पृते तामाङ लार्केप युनाइटड युवा क्लवका अध्यक्ष लगायत उल्लेखनीय दर्शकहरुको उपस्थिति रहेको थियो।
उपस्थित प्रमुख,विशिष्ट तथा अतिथिगणहरुले दिप प्रज्वलन गरि नेपालको राष्ट्रिय गाण प्रस्तुत गरिनुका साथै ज्ञात तथा अज्ञात सहिद योद्दाहरूको सम्झनामा १ मिनेट मौन धारण गरिएको थियो ।
उपस्थित अतिथिगणहरुले शुभकामना मन्तव्य राख्ने क्रममा प्रमुख अतिथि राधिका तामाङले लोप हुँदै गएको संस्कृतिलाई जगेर्न गर्ने उद्देश्यका साथ आफ्नो समुदायमा विभिन्न संस्कृतिक कार्यक्रमहरु गरी हर्षउल्लासका साथ ल्होछार मनाउँदै आएकोमा खुसी व्यक्त गरे साथै तारकेश्वर लगायत विशेष गरी दाङसिङमा आफ्नो भावनात्मक नाता बलियो रहेको पनि बताए ।मन्त्री तामाङका अनुसार कुनै पनि समस्याको आफूले गहिरो अध्ययन गरी गाउँपालिकाको समन्वयमा समस्याको समाधान गर्नेमा कुनै कन्जुस्याइँ नगर्ने प्रतिबद्धता गरे साथै तारकेश्वर दाङसिंह देखि सामरी मोटर बाटो लाई छिट्टै ग्रावेल गरी सहज रुपमा आम सर्वसाधारणलाई आवत जावतमा सहजीकरण बनाउने बताएको छ।
कार्यक्रममा जिल्ला समन्वय समिति नुवाकोटका प्रमुख रजिन्द्र बिक्रम सिंह ठकुरीले नेपालीहरुले मनाउने चाडपर्वहरु भड्किलो रुपमा मनाउने परम्परा बस्दै गएकाले आफ्नो क्षमता अनुसार मनाउँदै कला संस्कृति र नेपालीपन झल्काउनको लागी सल्लाह दिनुभएको छ ।
शुभकामना मन्तव्य राख्दै गाँउपालिका अध्यक्ष शिव अधिकारीले आफ्नो पालिकामा सबै जातजातिको आ-आफ्नै महत्व रहेकाले गाँउपालिकाले गर्ने हरेक कार्यहरु बराबरी रुपमा गर्दै आएको बताउनुभएको छ । साथै तामाङ समुदायको निम्ती गाँउपालिकाले बिशेष रुपमा हेर्दै आएको उहाँले बताउनुभएको छ । औपचारिक कार्यक्रम मुस्कानले सञ्चालन गरेको थियो ।
कार्यक्रममा बिभिन्न साास्कृतिक कार्यक्रम सहित तामाङ नाच, तामाङ पहिरनलगायत तामाङ समुदायको पहिचान झल्किने प्रस्तुतीहरु प्रस्तुत गरिएको थियो
उक्त कार्यक्तममा लामा नाच,झाक्री नाच,सँगै अतिथी कलाकारहरुको बेजोड साङ्गितिक प्रस्तुति रहेको थियो। साथै गायक तथा संगीतकार सैलप वाईवा गायक विश्व पसा तामाङ गायीका लक्षमी स्याङतान लगायत अन्य स्थानिय कलाकारहरुद्वारा भरपुर मनोरञ्जन दिएका थिए