साउदीको जेद्धामा २७ जनवरीमा सोनाम ल्होछार मनाइदै
- नेत्र न्यौपाने
- १ माघ, २०७९ ००:२३
- 234 Views
असिम दोर्जे तामाङ,जेद्वा।
नेपाली श्रमिकको प्रमुख गन्तब्य मुलुक साउदी अरेबियाको जेद्धा शहरमा तामाङ समुदायको महान सांस्कृतिक पर्व तथा नयाँ ल्हो सोनाम ल्होछार पर्व मनाउने भएको छ ।सोनाम ल्होछार सांस्कृतिक मुल समारोह समिति जेद्धाद्वारा आयोजना गर्न गैरहेको कार्यक्रम आगामी जनवरी २७ तारिख,शुक्रबार बिहान ११ बजेबाट शुरु हुने
आयोजकले जानकारी दिए।
ल्होछार विशेष कार्यक्रम साउदीको जेद्दा शहरस्थित अल नासिममा हुने सोनाम ल्होछार मुल समारोह समितिका संयोजक शान्ति थिङ लामाले बताइन् । साथै उनले थपिन् – कार्यक्रममा स्थानीय कलाकारहरुको विविध सांस्कृतिक बेजोड प्रस्तुतिहरू रहनेछन् ।मौलिक कला, संस्कार, संस्कृति, धर्म, भाषा, परम्परा, पहिचान लगायतलाई सम्बर्द्धन तथा प्रवर्द्धनका लागि ल्होछार विशेष कार्यक्रम गर्न लागेको आयोजक समितिका सचीव शैलेश योन्जन तामाङले बताए । सचीवका अनुसार कार्यक्रम जेद्धाका कार्यवाहक नेपाली महावाणिज्यदूतको आतिथ्यमा सम्पन्न हुनेछन् ।
सोनाम ल्होछार कार्यक्रमलाई भव्य बनाइदिन विभिन्न जिल्लाबाट साउदी जेद्धा आसपास आइपुगेका तामाङ तथा गैर तामाङहरुलाई उपस्थित हुन आग्रह गरेका छन् । मिडियाकर्मीहरुलाई बृहत प्रचारप्रसार गरी साउदीको कुनकुनमा पुर्याए दिन आयोजकले अनुरोध गरेको छ।तामाङ घेदुङ साउदीले यही २० जनवरीमा रियादमा र २७मा पुर्बी क्षेत्र दम्माममा बृहत सोनाम ल्होछार कार्यक्रम आयोजना गर्ने भएको छ।