काठमाडौं ।

छोर्गे बचत तथा ऋण सहकारी संस्था लिमिटेडको १२ औं वार्षिक साधारणसभा सम्पन्न  गरेक छ।

शुक्रबार काठमाडौंको तार्केश्वर नगरपालिका वडा नं १० स्थित त्रीबेणी बैङ्कुट पार्टी प्यालेसमा संस्थाको अध्यक्ष रुपा माया तामाङको सभापतित्वमा कार्यक्रम सम्पन्न भएको हो । प्रमुख अतिथि तार्केश्वर नगरपालिकाका मेयर कृष्ण हरि महर्जनले शुभकामना मन्तव्य राख्ने क्रममा संस्था सहकारी ऐन नीति सिद्धान्तका साथ संचालन भएकोले भावी दिनमा पनि दिगो ढंगले संचालन भएमा सहकारीमा कुनै समस्य उत्पन्न नहुने बताउनु भयो । उहाले नगरपालिकाको तर्फबाट सहयोग चाहिएमा सहयोग गर्न आफू तत्पर रहेको भनी प्रतिबद्धता गर्नु भयो ।

संस्थाको लेखा उपसमितिको सुपरिवेक्षण संयोजक शर्मिला तामाङले सहकारी विधिवत ढंगले संचालन भएको र सहकारीको सेयर सदस्यहरुको मर्म भावना अनुरुप रहेको जानकारी दिदै संस्था पारदर्शी दुरदर्शिता सहित संचालनमा रहेको बताउनुभयो।

संस्थाको ब्यबस्थापको तर्फबाट ब्यबस्थापक प्रमुख नानी माया तामाङ (सञ्जिला) ले आ.व २०७८/७९ को आर्थिक प्रतिवेदनको आय ब्यय तथा आ.व २०७९/८० को बजेट नीति तथा कार्यक्रम बजेट बारेमा प्रस्तुत गर्नु भएको थियो ।              ­

संस्थाको संस्थापक अध्यक्ष तथा प्रमुख सल्लाहकार एक्का प्रसाद तामाङ ( योगेन्द्र )ले शुभकामना मन्तव्य राख्ने क्रममा सहकारी संस्था वैदेशिक रोजगारीको सिलसिलामा कतारमा पुगेका सचेत नेपालीहरुको गहन छलफल र बहस पछि तामाङको संयोजकत्वमा ६ जना सदस्यको समिति गठन गरेको थियो । ईश्वर लाल तामाङ, दल बहादुर तामाङ, लालबहादुर तामाङ रविन्द्र कृष्ण कुमार तामाङको समितिमा सहकारी गठन भएको स्मरण गर्नुभएको थियो ।संस्था सहकारीको विधि पद्धति सिद्धान्त र सहकारीको मार्ग दर्शन अनुरुप संचालन भएकोले सहकारी द्रुतगतिमा अगाडी बढेको जानकारी दिदै सहकारीले आज १२ औ वार्षिक साधारणसभा गर्न सफल हुनुमा संस्थाको सेयर सदस्यहरुको महत्त्वपूर्ण योगदान रहेको भन्दै सेयर सदस्य कर्मचारी ब्यबस्थापक प्रमुख ऋण उपस्थित लेखा सुपरिवेक्षक र शिक्षा समितिको महत्त्वपूर्ण भुमिका रहेको भन्दै प्रशंसा तामाङले गर्नु भएको थियो ।                         

सभामा संस्थाले सबैभन्दा बढी सेयर खरिद सदस्य ,असल ऋणि,लामो समयसम्म मुद्दाती बचत गर्ने हरुलाई प्रसंशापत्र र मायाको चिनो सहित सम्मान गरेको थियो। कर्मचारीहरुलाई पनि असल तार्गेट्मा पुग्न सफल भएकले ब्यबस्थापक प्रमुख नानी माया तामाङ लगायत सम्पूर्ण कर्मचारीहरुलाई मायाको चिनो कार्यक्रमको सभापतिद्धारा प्रदान गरेको थियो ।

संस्थाका सचीव संगिता तामाङले कार्यक्रम संचालन गर्नु भएको थियो भने संस्थाका संस्थापक सदस्य तथा निवर्तमान प्रबन्ध निर्देशक तथा संचालक समिति सदस्य लालबहादुर सिङतान तामाङले स्वागत मन्तव्य राख्नु भएको थियो ।

कार्यक्रमका सभापति तथा संस्थाको अध्यक्ष रुपा माया तामाङले कार्य प्रगति विवरण तथा आर्थिक प्रगति विवरणबारेमा प्रस्तुत गर्नुभएको थियो । कार्यक्रममा निमन्त्रणा भएको प्रमुख अतिथि विशेष अतिथि तथा अतिथीहरुलाई मायाको चिनो प्रदान गरेको थियो । सहकारी सेयर सदस्यहरु प्रति सधै सेवामा समर्पित रहेको भन्दै कार्यक्रम विसर्जन गरेको थियो ।