काठमाण्डौँ ।
रवि लामिछानेले नेतृत्व गरेको राष्ट्रिय स्वतन्त्र पार्टीमा समानुपातिक सिट बाँडफाँडलाई लिएर तीव्र बनेको छ ।

उक्त पार्टीका केन्द्रीय सदस्य तथा समानुपातिकको खस आर्यको दोस्रो नम्बरमा रहेका गणेश कार्की नेतृत्वको टिमले असन्तुष्टी व्यक्त गरेको छ । उनले पार्टीका महामन्त्री तथा प्रवक्ता मुलुक ढकालले आफ्नो गुरुआमालाई र आफ्ना कर्मचारीलाई अवसर दिएको आरोप लगाएका हुन् ।

यदि राष्ट्रिय स्वतन्त्र पार्टीका महामन्त्री तथा प्रवक्ता मुकुल ढकालजीले आफ्नो गुरुमालाई गुरुदक्षिणा र आफ्नो कर्मचारीलाई अवसर दिन नपरेको भए,’ उनले सामाजिक सञ्जाल फेसबुकमा स्टाटस लेखेका छन् ।

उनले १२ वटा क्लस्टरमा पार्टीभित्र प्रारम्भिक निर्वाचन भएको र आफू खसआर्य खुल्लातर्फको दोस्रो नम्बरमा र दीपक बोहोरा तेस्रो नम्बरमा रहेको स्मरण पनि गराएका छन् ।

‘जति प्रयास गरे पनि थिति बसाउन सकिएन । म अन्तिमसम्म थिति, विधि भन्दै आवाज उठाइरहेँ । यत्रा मानिसहरूले आशा गरेको पार्टीलाई दुरुपयोग गर्नबाट रोक्न सकिन । मेरो भागमा पर्ने कमजोरी स्विकार्दै माफी चाहन्छु । तर यो यात्रा रमाइलो थियो । पुरानालाई एउटा दामी धक्का हानिएकै हो तर त्यसको उपलब्धिको दुरुपयोग भयो । यो यात्रामा साथ दिने, मलाई विश्वास गरेर घण्टीमा भोट दिने वा माग्ने सबैप्रति आभारी छु ।’

पार्टी भित्र यस अघि पनि अन्तरघात जस्ता विभिन्न विषयलाई लिएर असन्तुष्टिहरु प्रकट हुँदै आएका छन् ।