रियाद,

झापा जिल्ला शिवसतासी नगरपालिका वडा:न- ३ पाराबारीका लक्ष्मी प्रसाद न्यौपाने साउदी अरबबाट स्वदेश फिर्ता भएका छन ।

साउदी अरबको अल खर्ज क्षेत्रका हाईपर पाण्डा (सुपर मार्केट) मा कार्यरत न्यौपाने कतार एयरलाईन्स मार्फत सोमबार  नेपाल फर्किन सफल भएका हुन।

झापाली समाजको पहलमा नेपाली राजदुतावास रियाद संगको समन्वय पश्चात न्यौपाने घर फर्किन सफल भएका थिए भने हिमालय टुर एण्ड ट्राभल्सका संचालक अमृत पौडेल र दिपक रेग्मी पाण्डा कम्पनीमा कार्यरत सिताराम रिमाल,पत्रकार बिष्णु घिमिरे,लालिगुरास रेस्टुरेण्टका संचालक यम तमु लगायतका टिमको सहयोगमा उक्त पिडितलाई स्वदेश फर्काउन सफल भएको झापाली समाजका अध्यक्ष थापाले पिटि अनलाईन न्युज लाई जानकारी दिए।

पिडित गत अक्टुवर ८ तारिख देखि कम्पनी संग सम्पर्क बिहिन भएर हराएको थियो भने पाकिस्तानी ट्याक्सी ड्राइभर द्वारा रियाद स्थित मलज भन्ने ठाउको हाईपर पाण्ड सुपर मार्केट कै अगाडि पुर्याईएर उक्त मार्केटमा कार्यरत हेम सुवेदीले फेला परे पछी झापाली समाजका अध्यक्ष राजेन्द्र थापा संग सम्पर्क गराइदिनु भएको थियो भने एक महिना सम्म उक्त पाण्डामा कार्यरत नेपाली साथीहरुले खाना र बस्नको व्यवस्था गरिएको थियो ।