सर्प नेता मूर्ख कर्ता (अनुष्टुप्)

मेरो तेरो सबैको यो,सत्यतथ्य मुहार हो
घोषणापत्र डाकाको, बस्ती लुट्ने गुहार हो।

सुकाआना निचोरेर, ढुकुटी मस्त भर्दछ
चौधरी विप्र बस्तीमा, गरिबी नास्छु भन्दछ।

ज्याला ठग्ने भयो नेता, ज्यामीको हित गर्छ रे
गुण्डाले शान्ति ल्याएर, नयाँ समाज पार्छ रे।

नेता हुन् साँपका भाले, कार्यकर्ता गुलाम हुन्
काँचुली फ्याक्छ नेताले,सपोला मख्ख पर्दछन्।

आफ्नै लाद्रो उकास्दैमा, खुरापाती भयो बूढो
चड्नु पूर्व चितामा ऊ, नेता जवान भै रह्यो।

ढुकुवा श्वान ढोकाका, कार्यकर्ता भनाउदा
आहा आहा पुकारा छ, नेताको श्वास गनाउँदा।

आत्मा मारेर हास्दैछौ, झोला फ्याँकेर हेर त
साच्चिकै स्वाभिमानी भै,आफै बाँचेर हेर त।

शम्भु गजुरेल (अज्ञानी)
नुवाकोट