रियाद ,साउदी अरब ।
वैदेशिक रोजगारीको सिलसिलामा साउदी आएर दुर्घटना परी गम्भीर घाईते भइ अचेत अबस्थाकि रुपन्देहीका बाटुली सुनारको नेपाली राजदूतावास रियादको पहलमा नेपाल पठाउन सफल भएको छ।

२०१४ मा साउदी अरबमा आई साउदी आएको ६ महिना मैं आफूले काम गर्ने घरको माथिल्लो तल्लाको भन्याङबाट तल खस्दा गम्भिर घाइते भएर साउदीको पुर्बी क्षेत्र अलहासास्थित अल अयुन सिटी अस्पतालमा उपचाररत रहेकी रूपन्देही जिल्ला ओमसतिया गाउँपालिका वडा नं . ०२ स्थायी ठेगाना भएकी बाटुली सुनार ( राहदानी नं . ०६ ९ ६ ९ ३०५ ) लाई नेपाल एयरलाइन्सको उडानबाट आईतवार ११ सेप्टेम्बर २०२२ मा नेपाल पठाइएको दूतावासले एक सुचना जारी गरि बताएको छ।

सुनार सन् २०१४ मा हाउसमेड भिसामा कुवेत आएकी थिइन् । उनलाई कुवेतबाट गैरकानूनी रूपले साउदी अरबमा ल्याइएको काम गर्ने क्रममा घरको माथिल्लो तल्लाको भन्याङबाट चिप्लिएर तल खस्दा टाउकोमा गम्भिर चोट लागेको कारणले उनी अचेत अवस्थामा रहन पुगेकी थिइन् ।

सुनारको लामो समयदेखि अस्पतालमा उपचार भइरहेको भएता पनि अवस्थामा खासै सुधार नआएपछि परिवारको साथमा राखेर उपचार गर्दा केही सुधार हुनसक्ने भन्दै उनको उपचारमा संलग्न डाक्टरले उनलाई छिटो नेपाल लैजान लामो समयदेखि अनुरोध गर्दैआएका थिए । अस्पतालमा राखेको धेरै वर्ष भैसकेकोले अस्पतालले पनि उनको जिम्मा लिएर जतिसक्दो चांडो उनलाई नेपाल पठाउन राजदूतावासमा पछिल्लो समय निरन्तर ताकेता गरिरहेको थियो । यसअघि निज लगायत अन्य गम्भिर प्रकृतिका बिरामीलाई नेपाल पठाउन पटक पटक प्रयास गरिएको भएता पनि सफल हुन सकेको थिए । यस पटक भने सुनारलाई नेपाल पठाउन सकिने वातावरण निर्माण गर्ने कार्यमा सफलता मिलेको दूतावासले जनाएको छ।

सुनारको परिवार पनि बिरामीको जिम्मा लिन राजी भएको र राजदूतावासले बिरामीको आवश्यक कागजात तयार गर्नुका साथै उनको एक्जिट भिसाको लागि साउदी श्रम कार्यालय र अध्यागमन कार्यालयसँग समन्वय गरेका थिए । नेपाल एयरलाइन्सको जहाजमा स्ट्रेटचर राख्ने व्यवस्था गर्न र स्ट्रेचर बापतको खर्च वैदेशिक रोजगार बोर्डले व्यहोर्ने व्यवस्था गर्न नेपाल सरकारका सम्बन्धित निकाय र नेपाल एयरलाइन्ससँग आवश्यक पहल र समन्वय दूतावासले गरेका थिए ।

राजदूतावासको अनुरोधमा अस्पतालले बिरामीलाई अलहासाबाट रियाद एयरपोर्टसम्म अस्पतालकै एम्बुलेन्समा निःशुल्क पुर्याईदिएको र बिरामीलाई एकजना नर्सको साथमा स्ट्रेटचरबाट नेपाल लैजाँदा लागेको सम्पूर्ण खर्च नेपाल सरकारले बेहोर्ने बताएको छ।बिरामी सुनारलाई अहिले परिवारले जिम्मा लिएर वीर अस्पतालमा भर्ना गरेको छ ।

सुनारलाई नेपाल लैजान सकिने वातावरण निर्माण गर्ने क्रममा सहयोग गर्ने अलहासास्थित अल अयुन सिटी अस्पताललाई विशेष धन्यवाद दिदै लाई नेपाल पठाउने कार्यमा प्रत्यक्ष वा परोक्षरूपमा सहयोग गर्नुहुने सम्पूर्णमा दूतावासले आभार ब्यक्त गरेको छ।पछिल्लो पटक नेपाल एयरलाईन्सको सिधा उडानले अचेत अबस्थाको बिरामीलाई नेपाल पठाउन सहज भएको छ।