नेकपा एमाले पार्टीले इन्द्रावतीमा अगुवा कार्यकर्ता प्रशिक्षण कार्यक्रम सम्पन्न गर्दै, ३ महिने अभियान घाेषणा जारी गर्यो
- २५ भाद्र, २०७९ २२:३७
- 305 Views
सिन्धुपाल्चोक।
नेकपा एमाले पार्टीले शनिबार सिन्धुपाल्चोकको इन्द्रावती गाउँपालिकामा अगुवा कार्यकर्ता प्रशिक्षण कार्यक्रम सम्पन्न गरेको छ। उक्त कार्यक्रममा विभिन्न पार्टी परित्याग गरि इन्द्रावती २ र ५ बाट १० जना एमालेमा प्रवेश गरेको एमाले नेता सशीनाथ आचार्यले पिटि अनलाइन न्युजलाई बताउनु भएको छ।
उक्त कार्यक्रममा पुर्ब मन्त्री , तथा सिन्धुपाल्चोक क्षेत्र नं २ का संसद शेर बहादुर तामाङ, दावा तामाङ, डम्बर अर्याल, हस्त पंडित, झम्क नेपाल लगायतका प्रदेश कमिटी, जिल्ला कमिटी, जन वर्गीय संगठनका नेताहरु लगायतको उपस्थिति रहेको थियोे ।भेला मार्फत पालिका कमिटीले ३ महिने अभियान घाेषणा गरेको छ । जस अनुसार असाेज महिना पार्टी प्रवेश अभियानकाे महिना तथा जनसंगठन परिचालनको महिना हुनेछ ।
तेस्तै कार्तिक महिनामा निर्वाचन प्रचारकाे उत्कर्षकाे महिना र मंसिर महिना विजयाेत्सवकाे महिनाका रुपमा अघि बढाइने छ । चाडपर्वका अवसरमा सबै वडा कमिटीले शुभकामना आदानप्रदान कार्यक्रम आयोजना गर्ने, असाेज ७ भित्र वडाको प्रशिक्षण सम्पन्न गर्ने निर्णय गरिएको साथै पार्टी एकता अभियान मार्फत एमाले प्रवेश गरेका राम बहादुर मल्ल, हेमनाथ भट्टराई र अशोक काेइरालालाई पालिका कमिटीमा जिम्मेवारी ब्यवस्थापन गरिएको छ।
कार्यक्रमबाट पालिका कमिटी अध्यक्ष शशिनाथ आचार्यकाे संयाेजकत्वमा ६०१ सदस्यीय निर्वाचन मुल परिचालन कमिटी घाेषणा गरिएको छ जसमा पालिका कमिटी र मातहत कमिटीका सबै पार्टी सदस्य र जनवर्गीय संगठन, इन्द्रावती काठमाडौं सम्पर्क मञ्चका नेतालाई समेटिएको छ । कार्यक्रम सफल पार्न याेगदान गर्नुहुने सबैलाई धेरै धेरै धन्यवाद ।